رواية المسؤولية الحلقات 26"27"28"29"30 ﺍﻟﻤﺴﺆﻭﻟﻴﺔ ..
ﺍﻟﺤﻠﻘﺔ 26 ..
ﺑﻘﻠﻢ ﻃﺎﺭﻕ ﺍﻟﻠﺒﻴﺐ ..
ﻓﺨﺮﻱ ﻣﻨﺘﺒﻪ ﺍﻧﺘﺒﺎﻩ ﺷﺪﻳﺪ ﻟﻲ ﻛﻼﻡ ﻣﻨﺘﻜﺎﺭﻟﻮ .. ﻭﻛﺖ ﻗﺎﻟﺖ ﻟﻴﻬﻮ ﻋﺮﻓﺘﻬﺎ ﻟﻴﻚ .. ﻗﺎﻝ ﻟﻴﻬﺎ ﺍﻫﺎ .. ﺩﻱ ﻣﻨﻮ؟؟ .. ﻻﻧﻮ ﺍﻟﺤﻠﻤﺔ ﻓﻴﻬﺎ ﺑﺎﻗﻲ ﻣﻬﻢ ..
ﻗﺎﻟﺖ ﻟﻴﻬﻮ ﺩﻱ .. ( ﺷﺎﺷﻮﻗﻪ ) ..
ﻗﺎﻝ ﻟﻴﻬﺎ ﺷﺎﺷﻮﻗﻪ؟؟ .. ﺷﺎﺷﻮﻗﺔ ﺩﻱ ﻣﻨﻮ .. ؟
ﻗﺎﻟﺖ ﻟﻴﻬﻮ ﺩﻱ ﺑﺖ ﺯﻣﺎﻥ .. ﺍﺳﻤﻬﺎ ﺍﺷﺘﻴﺎﻕ .. ﻭﺍﻭﻻﺩ ﺍﻟﺤﻠﺔ ﻣﺴﻤﻨﻬﺎ ﺷﺎﺷﻮﻗﻪ ..
ﺍﻟﺒﺖ ﺳﻤﺤﻪ ﺳﻤﺎﺣﺔ ﻳﺎﻭﻟﺪﻱ .. ﺗﻀﻮﻱ ﺯﻱ ﺍﻟﺮﺗﻴﻨﺔ .. ﻭﻋﺎﻗﻠﺔ ﻭﻃﻴﺒﺔ .. ﻭ ( ﻣﺴﻜﻴﻨﺔ ﺍﻟﻠﻪ ﻭﺍﻟﺮﺳﻮﻝ ) ﺍﻟﺒﺖ ﻋﺮﺳﺖ ﻋﺮﺱ ﺍﻟﻬﻨﺎ ﻭﺍﻟﻤﻨﻰ ..
ﺍﻫﺎ ﺭﺍﺟﻠﻬﺎ ﺩﻩ ﻗﺎﻋﺪ ﻣﻌﺎﻫﺎ 4 ﺷﻬﻮﺭ ﺍﻇﻨﻮ ﻭﻛﺖ ﺣﻤﻠﺖ ﻗﺎﻝ ﻟﻬﻢ ﺩﻩ ﻣﻮﺟﻨﺎﻱ .. ﻭﺍﻧﺎ ﺍﺻﻠﻲ ﺑﺘﻜﻢ ﺩﻱ ﻣﺎﻫﺒﺸﺘﻬﺎ .. ﻋﺸﺎﻥ ﺍﻧﺎ ﻣﺎﻗﺪﺭﺕ ﺍﻋﻤﻞ ﻣﻌﺎﻫﺎ ﺣﺎﺟﺔ . ﻭﻫﻲ ﻳﺴﺄﻟﻮ ﻓﻴﻬﺎ ﻭﻣﺘﺒﻜﻤﺔ ﻗﺎﻟﻮ ﻭﺗﺒﻜﻲ ﺑﺲ . ﺍﻫﺎ ﺳﺎﻗﻮ ﺍﻟﺮﺍﺟﻞ .. ﻭﻣﺸﻮ ﻣﻌﺎﻫﻮ ﻟﻠﺪﻛﺘﻮﺭ .. ﻭﻗﺎﻟﻮ ﻟﻘﻮ ﺭﺍﺟﻠﻬﺎ ﻋﻨﺪﻭ ﻋﺠﺰ . ﻭﻓﻌﻼ ﻣﺎﻗﺮﺏ ﻣﻨﻬﺎ .. ﻭﻫﻲ ﺣﺎﻣﻞ .
ﻃﻮﺍﻟﻲ ﺍﺑﻮﻫﺎ ﻃﻠﻘﻬﺎ ﻣﻨﻮ .. ﻭﺣﻠﻒ ﻋﻠﻴﻬﺎ .. ﻭﺳﺠﻨﻬﺎ ﻓﻲ ﺍﻭﺿﺔ ﻻﻣﻦ ﻭﻟﺪﺕ .. ﻭﻗﺎﻟﻮ ﺷﺎﻟﻮ ﺍﻟﺠﻨﻰ ﻭﺩﻭﻫﻮ ﻭﻳﻦ ﻣﺎﺑﻌﺮﻓﻮ .. ﺍﻟﻜﻼﻡ ﺩﻩ ﺍﻟﻨﺎﺱ ﺍﻟﻌﺎﺭﻓﻨﻮ ﺑﺎﻟﻌﺪﺩ ﺍﻭﻋﻚ ﺗﻤﺮﻗﻮ .. ﻫﺴﻊ ﺍﻱ ﺯﻭﻝ ﻳﻤﺸﻲ ﺑﻴﺖ ﻧﺎﺱ ﺷﺎﺷﻮﻗﺔ .. ﻣﺎﺑﻘﺪﺭ ﻳﻼﻗﻴﻬﺎ .. ﻭﺧﺎﻻﺗﻬﺎ ﻗﺎﻟﻦ ﻋﻴﺎﻧﺔ .. ﺍﻟﻔﻘﻴﺮ ﻣﺎﻧﻌﻬﺎ ﺗﻘﺎﺑﻞ ﺯﻭﻝ .. ﻭﺯﻭﻝ ﺑﺸﻮﻓﻬﺎ ﻣﺎﻓﻲ .. ﻭﺍﻟﻨﺎﺱ ﺯﺍﺗﻬﻢ ﺧﻠﻮ ﺍﻟﺪﺧﻠﺔ ﻋﻠﻴﻬﻢ ﻣﻦ ﺍﻟﺰﻣﻦ ﺩﺍﻙ .
ﻓﺨﺮﻱ ﻗﺎﻝ ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ .. ﻭﻫﻢ ﺍﻟﺪﻧﻴﺎ ﻧﺰﻝ ﻓﻮﻗﻮ .. ﻭﺧﻼﺹ ﺩﻱ ﺑﺎﺩﺭﺓ ﻣﻦ ﺑﻮﺍﺩﺭ ﺍﻧﻮ ﻧﻮﺭ .. ﻓﻌﻼ " ﻧﺎﺗﺠﺔ ﻋﻦ ﻋﻼﻗﺔ ﻣﺎﺷﺮﻋﻴﺔ .
ﻗﺎﻟﻴﻬﺎ ﺍﻫﺎ ﻳﺎﺧﺎﻟﺘﻲ ﺍﻟﻌﺰﻳﺰﺓ .. ﻭﺻﻔﻲ ﻟﻲ ﺑﻴﺖ ﻧﺎﺱ ﺷﺎﺷﻮﻗﺔ ﺩﻳﻞ .. ﻗﺎﻟﺖ ﻟﻴﻬﻮ ﺷﻦ ﺑﺘﺪﻭﺭﺑﻮ ؟ ﻗﺎﻝ ﻟﻴﻬﺎ ﺑﺲ ﻫﺴﻊ ﺑﻮﺭﻳﻚ ﺍﻟﺤﺎﺻﻞ ..
ﻗﺎﻟﺖ ﻟﻴﻬﻮ ﺷﻔﺖ ﺍﻟﺸﺎﺭﻉ ﺍﻟﻘﺼﺎﺩ ﺍﻟﺒﻘﺎﻟﺔ ﺩﻩ ؟ .. ﺗﻤﺸﻲ ﻃﻮﺍﻟﻲ ﺗﻔﻮﺕ ﺍﻟﺸﺎﺭﻉ ﺍﻻﻭﻝ .. ﻭﺍﻟﺸﺎﺭﻉ ﺍﻟﺘﺎﻧﻲ . ﺗﻠﻒ ﺑﺎﻟﺸﺎﺭﻉ ﺍﻟﺘﺎﻟﺖ .. ﻋﻠﻰ ﻳﺪﻙ ﺍﻟﺸﻤﺎﻝ ﺗﺎﻧﻲ ﺑﺎﺏ .. ﺑﺎﺏ ﻛﺒﻴﺮ ﻟﺒﻨﻲ .. ﺍﻫﺎ ﺑﺲ ﺍﻧﺖ ﺩﺍﻳﺮ ﺑﻴﻬﻢ ﺷﻨﻮ؟؟ ﻭﺑﺎﻗﻲ ﺍﻟﺤﻠﻤﺔ ﺑﻘﻮﻝ ﺷﻨﻮ ؟
ﻗﺎﻝ ﻟﻴﻬﺎ ﺍﻧﺎ ﺑﺠﻴﻚ ﺑﻌﺪﻳﻦ .. ﻭﺑﺤﻜﻲ ﻟﻴﻚ ﺍﻟﺒﺎﻗﻲ .. ﻭﻓﺎﺕ ﻣﻨﻬﺎ ..
ﻓﺨﺮﻱ ﻣﺸﻰ ﺍﻟﺒﻴﺖ ﻳﻘﻀﻲ ﻟﻴﻠﻮ ﺩﺍﻙ .. ﻟﻘﻰ ﻋﺒﺪ ﺍﻟﻌﺰﻳﺰ ﺭﺍﻗﺪ ﻳﻘﻠﺐ ﻓﻲ ﺗﻠﻔﻮﻧﻮ ..
ﻓﺨﺮﻱ ﺍﺻﻠﻮ ﻣﺎ ﺗﻜﻠﻢ ﻣﻌﺎﻫﻮ ﻭﺳﺎﺭﺡ ﻭﻣﻐﻤﻮﻡ ..
ﻟﺪﺭﺟﺔ ﺍﻧﻮ ﻧﺴﻰ ﺍﻟﺴﻼﻡ ﺯﺍﺗﻮ .. ﻣﺎﻗﺎﻝ ﻟﻲ ﻋﺒﺪ ﺍﻟﻌﺰﻳﺰ ﺍﻟﺴﻼﻡ ﻋﻠﻴﻜﻢ ..
ﻋﺒﺪ ﺍﻟﻌﺰﻳﺰ ﻗﺎﻝ ﻟﻴﻬﻮ ﻛﻨﺖ ﻭﻳﻦ ؟ ﺑﺮﺿﻮ ﻣﺸﻴﺖ ﻟﻤﻨﺘﻜﺎﺭﻟﻮ ؟ ﻭﺍﻟﻠﻴﻠﺔ ﻭﻳﻨﻬﺎ ﺍﻟﻄﻌﻤﻴﺔ ﺍﻟﺒﺘﺠﻲ ﻛﻠﻮ ﻳﻮﻡ ﻣﺎﻟﻲ ﺑﻴﻬﺎ ﻛﻴﺴﻚ .. ؟
ﻓﺨﺮﻱ ﻗﺎﻝ ﻟﻴﻬﻮ ﺍﻧﺎ ﺍﺳﻒ .. ﻭﺍﻟﻠﻪ ﻧﺴﻴﺖ ﺍﺳﻠﻢ ﻋﻠﻴﻚ ..
ﻃﺒﻌﺎ .. ﻫﺴﻲ ﻓﺨﺮﻱ ﻓﻲ ﺍﻟﺤﻠﺔ ﺩﻱ ﺑﺠﺎﻱ ﻟﻴﻬﻮ ﺗﻘﺮﻳﺒﺎ " 12 ﻳﻮﻡ .. ﻭﻳﻮﻣﻴﺎ ﺑﺘﺼﻞ ﻋﻠﻲ ﺧﺎﻟﺘﻮ ﻓﺎﻃﻤﺔ .. ﻭﺑﻮﺭﻳﻬﺎ ﺍﻻﻣﻮﺭ ﻣﺎﺷﺔ ﻛﻴﻒ ..
ﺍﻟﻠﻴﻠﺔ ﻣﺎ ﺗﺼﻞ ﻋﻠﻴﻬﺎ ﻧﻬﺎﺋﻲ .. ﻭﻧﻮﻯ ﺍﻧﻮ ﻣﺎﻳﻮﺭﻳﻬﺎ .. ﻻﻧﻮ ﺍﻣﻮﺭﻭ ﻣﺎﺷﺔ ﻛﻌﺒﻪ .. ﻭﻣﺎﻓﻲ ﺑﻮﺍﺩﺭ ﺧﻴﺮ ﻓﻲ ﺍﻟﻤﻮﺿﻮﻉ ..
ﺍﻫﺎ ﻳﺎﺟﻤﺎﻋﺔ ﺍﻟﺨﻴﺮ .. ﺑﺎﻛﺮ ﺍﻟﺼﺒﺎﺡ ﻓﺨﺮﻱ ﻟﺒﺲ ﺑﻨﻄﻠﻮﻧﻮ ﻭﻗﻤﻴﺼﻮ .. ﻭﻛﺮﺏ ﺍﻟﻘﺎﺵ .. ﻭﺍﺗﻘﻴﻒ .. ﻭﺷﺎﻝ ﻟﻴﻬﻮ ﺩﻓﺎﺗﺮ ﻓﻲ ﻳﺪﻭ ﻭﻣﺸﻰ ..
ﺍﻟﻮﻟﺪ ﺍﻟﻤﺒﺮﻭﻙ ﺩﻩ ﺍﻟﻠﻴﻠﺔ ﻣﺎﺷﻲ ﻭﻳﻦ؟ ﺍﻟﻠﻪ ﻳﺪﻳﻨﺎ ﺧﻴﺮﻭ .. ﻃﻮﺍﻟﻲ ﺍﺗﺠﻪ ﻋﻠﻲ ﺑﻴﺖ ﻧﺎﺱ ﺷﺎﺷﻮﻗﺔ .. ﻋﻠﻰ ﺣﺴﺐ ﻭﺻﻒ ﻣﻨﺘﻜﺎﺭﻟﻮ .. ﻭﻟﻘﻰ ﺍﻟﺒﺎﺏ ﺍﻟﻠﺒﻨﻲ ﺍﺏ ﺗﻼﺗﻪ ﺿﻠﻒ ..
ﻭﺩﻕ ﺍﻟﺒﺎﺏ .. ﺟﺎﺗﻮ ﻣﺮﺓ ﻛﺒﻴﺮﺓ ﻓﻲ ﺍﻟﺴﻦ .. ﻳﻌﻨﻲ ﺑﺘﻜﻮﻥ ﻗﺮﻳﺒﺔ ﻣﻦ ﻣﻨﺘﻜﺎﺭﻟﻮ .. ﺍﻭ ﺍﻛﺒﺮ ﻣﻨﻬﺎ ﺷﻮﻳﺔ .. ﻗﺎﻟﺖ ﻟﻴﻬﻮ ﻣﺮﺣﺐ .. ﻋﻠﻴﻜﻢ ﺍﻟﺴﻼﻡ .. ﺍﻫﻼ ﻳﺎﻭﻟﺪﻱ ..
ﻗﺎﻝ ﻟﻴﻬﺎ ﻛﻴﻔﻚ ﻳﺎﺣﺠﺔ .. ﺍﻥ ﺷﺎ ﺍﻟﻠﻪ ﻛﻮﻳﺴﻴﻦ .. ﻗﺎﻟﺖ ﻟﻴﻬﻮ ﻧﺤﻤﺪ ﺍﻟﻠﻪ ﻳﺎﻭﻟﺪﻱ .. ﺩﺍﻳﺮ ﻣﻨﻮ؟ .
ﻗﺎﻝ ﻟﻴﻬﺎ ﻣﻤﻜﻦ ﺍﺩﺧﻞ ؟ ﻗﺎﻟﺖ ﻟﻴﻬﻮ ﺍﺗﻔﻀﻞ .. ﻭﻟﺪﻱ ﻣﺎﻓﻴﺶ ﻛﺎﻥ ﺩﺍﻳﺮ ﻋﺜﻤﺎﻥ ..
ﻗﺎﻝ ﻟﻴﻬﺎ ﻻ ﺍﻧﺎ ﺩﺍﻳﺮﻙ ﺍﻧﺘﻲ ..
ﺩﺧﻠﺖ ﻣﻌﺎﻫﻮ .. ﻭﻗﻌﺪﻭ ﻓﻲ ﺻﺎﻟﻮﻥ ﻛﺪﺍ ﻗﺮﻳﺐ ﻟﻠﺒﺎﺏ .. ﻣﺸﺖ ﺟﺎﺑﺖ ﻟﻴﻬﻮ ﻣﻮﻳﺔ ﻭﺟﺎﺕ .. ﻭﻓﻮﻕ ﻭﺷﻴﻬﺎ ﺧﻤﺴﻤﻴﺔ ﻋﻼﻣﺔ ﺍﺳﺘﻔﻬﺎﻡ ..
ﺷﺮﺏ ﺍﻟﻤﻮﻳﺔ .. ﻭﻫﻲ ﻗﻌﺪﺕ ﻓﻮﻕ ﻛﺮﺳﻲ .. ﻭﻫﻮ ﺍﺗﻮﻫﻂ ﺗﺐ ﻓﻮﻕ ﺳﺮﻳﺮ ..
ﻗﺎﻝ ﻟﻴﻬﺎ ﺑﺘﻌﺮﻓﻴﻨﻲ ؟؟ ﻗﺎﻝ ﻟﻴﻬﻮ ﻭﺍﻟﻠﻪ ﺷﺎﻳﻔﺎﻙ ﻓﺒﺎﻝ ﻳﻮﻣﻴﻦ ﻓﻲ ﺍﺧﺮ ﻣﺤﻄﺔ .. ﻭﺍﻟﺤﺮﻳﻢ ﻗﺎﻟﻦ ﺩﻩ ﺑﺘﺎﻉ ﺍﻟﻤﺒﺎﺣﺚ .. ﺑﺲ ﺍﻭﻝ ﻣﺮﺓ ﺍﺷﻮﻓﻚ ﻓﻲ ﺍﻟﺤﻠﺔ ﺩﻱ ..
ﻗﺎﻝ ﻟﻴﻬﺎ ﺍﻧﺎ ﺟﻴﺖ ﻓﻲ ﺍﻟﺤﻠﺔ ﻋﺸﺎﻧﻜﻢ .. ﺍﻧﺘﻮ ﻭﺍﻗﻌﻴﻦ ﻓﻲ ﻣﺸﻜﻠﺔ ﻛﺒﻴﺮﺓ ..
ﻭﺍﺣﺘﻤﺎﻝ ﺗﺠﺮﻛﻢ ﻟﻠﺴﺠﻦ .. ﺑﺴﺒﺐ ﻃﻔﻠﺔ ﺍﺗﺨﻠﺼﺘﻮ ﻣﻨﻬﺎ ﻗﺒﻞ ﻋﺸﺮﻳﻦ ﺳﻨﺔ ..
ﻭﺍﻧﺎ ﺟﻴﺖ ﻋﺸﺎﻥ ﺍﺳﺎﻋﺪﻛﻢ .. ﻟﻮ ﺑﺘﺴﺎﻋﺪﻭﻧﻲ .. ﺑﻤﺮﻗﻜﻢ ﻣﻨﻬﺎ ﺯﻱ ﺍﻟﻤﺎﻓﻲ ﺣﺎﺟﺔ ..
ﺍﻟﺤﺠﺔ ﻃﻴﺮﺕ ﻋﻴﻨﻴﻬﺎ ﻣﻦ ﺟﺎﺏ ﻟﻴﻬﺎ ﺳﻴﺮﺓ ﺍﻟﺴﺠﻦ .. ﻗﺎﻟﺖ ﻟﻴﻬﻮ ﻧﺴﺎﻋﺪﻙ ﺑﺸﻨﻮ؟ ..
ﻗﺎﻝ ﻟﻴﻬﺎ ﺗﺤﻜﻲ ﻟﻲ ﺍﻟﺤﻘﻴﻘﺔ .. ﻭﺍﻟﺤﺼﻞ ﻗﺒﺎﻝ ﻋﺸﺮﻳﻦ ﺳﻨﺔ ﺑﺎﻟﺘﻔﺼﻴﻞ .. ﻣﻊ ﺷﺎﺷﻮﻗﻪ
( ﺍﻟﺰﻭﻝ ﺩﻩ ﻻﺑﺨﺎﻑ ﻭﻻﺑﺘﺮﺩﺩ .. ﺑﺎﻟﺠﺪ ﺑﺎﻟﺠﺪ ﺩﺧﻞ ﻓﻲ ﺷﺨﺼﻴﺔ ﺿﺎﺑﻂ ﻣﺒﺎﺣﺚ ﻛﺒﻴﺮ ﻭﺑﺘﻜﻠﻢ ﻣﻌﺎﻫﺎ ﺑﻜﻞ ﺛﻘﺔ .. )
ﻗﺎﻟﺖ ﻟﻴﻬﻮ ﺣﺼﻠﺖ ﻋﻠﻴﻨﺎ ﻣﺼﻴﺒﺔ .. ﺗﺤﺼﻞ ﻋﻠﻰ ﺍﻟﻌﺪﻭ ﻳﺎﻭﻟﺪﻱ .. ﺍﺣﻜﻲ ﻟﻚ ﺷﻨﻮ ﻭﺍﺧﻠﻲ ﺷﻨﻮ ؟؟
ﺍﻧﺎ ﻣﺎﻓﻀﻞ ﻟﻲ ﻓﻲ ﺍﻟﺪﻧﻴﺎ ﺩﻱ ﻏﻴﺮ ﻋﺜﻤﺎﻥ ﻭﻟﺪﻱ .. ﻭﺍﻟﺒﺖ ﺍﻟﻤﻨﺤﻮﺳﺔ ﺳﺎﺟﻮﻣﻪ ﺩﻱ .
ﺍﻟﻀﻴﻌﺖ ﺷﺮﻓﻨﺎ .. ﻭﻭﺳﺨﺖ ﺳﻤﻌﺘﻨﺎ ..
ﻗﺎﻝ ﻟﻴﻬﺎ ﺍﺣﻜﻲ ﻟﻲ ﺑﺮﺍﺣﺔ ﻭﺣﺒﺔ ﺣﺒﺔ .. ﻭﻣﺎﺗﻨﺴﻲ ﺣﺎﺟﺔ ﺍﻧﺎ ﻣﺎﻣﺴﺘﻌﺠﻞ ..
ﻗﺎﻟﺖ ﻟﻴﻬﻮ ﺍﻭﻝ ﺣﺎﺟﺔ .. ﺧﻄﺒﻬﺎ ﻭﺍﺣﺪ ﻭﺍﻛﻞ ﻗﺮﻭﺷﻨﺎ ﻭﺯﺍﻍ ..
ﺗﺎﻧﻲ ﺟﺎ ﻭﺍﺣﺪ .. ﺭﺍﺟﻞ ﻋﺴﻜﺮﻱ ﻭﻓﺎﺿﻞ .. ﻓﻲ ﻋﻤﺮﻙ ﺩﻩ ﻛﺪﻱ .. ﻭﻋﻘﺪ ﻋﻠﻴﻬﺎ .. ﻭﻳﻮﻡ ﺍﻟﻌﻘﺪ ﻧﺎﺱ ﺍﻟﺠﻴﺶ ﺭﺳﻠﻮ ﻟﻴﻬﻮ .. ﻭﺗﺎﻧﻲ ﻳﻮﻡ ﺳﺎﻓﺮ ﺍﻟﺠﻨﻮﺏ .. ﻻﺷﺎﻓﻬﺎ ﻭﻻﺷﺎﻓﺘﻮ .. ﺭﺳﻠﻬﺎ ﻭﺭﻗﺔ ﺍﻟﻄﻼﻕ ﻣﺮﺳﺎﻝ ..
ﻭﻋﺸﺎﻥ ﻛﺪﻱ ﺍﻭﻝ ﺍﺗﻘﺪﻡ ﻟﻴﻬﺎ ﻧﺤﻦ ﻗﺒﻠﻨﺎ .. ﻭﻛﻨﺎ ﻓﺮﺣﺎﻧﻴﻦ .. ﻭﻛﺎﻥ ﻋﺮﺱ ﻗﺪﺭ ﺍﻟﻠﻴﻠﺔ ﻭﺑﺎﻛﺮ .. ﺍﻟﺪﻧﻴﺎ ﻛﻠﻬﺎ ﺗﻨﻀﻢ ﺑﻴﻬﻮ ..
ﻭﺍﻟﺮﺍﺟﻞ ﺍﻟﻌﺮﺳﻬﺎ .. ﻛﺎﻥ ﺭﺍﺟﻞ ﺧﺎﻳﺐ ﺍﻟﻠﻪ .. ﻳﺨﻴﺒﻮ ﻭﻳﺨﻴﺐ ﻳﻮﻣﻮ .. ﺍﺻﺤﺎﺑﻮ ﺑﺠﻮ ﻓﻲ ﺍﻟﺒﻴﺖ .. ﻭﻳﺠﻮ ﺑﻮﺭﺍﻫﻮ ﻭﻫﻮ ﻣﺎﻓﻴﺶ .. ﺍﻇﻨﻬﺎ ﺍﻟﺒﺖ ﺷﻴﻄﺎﻧﻬﺎ ﻏﺸﺎﻫﺎ ﻣﻊ ﻭﺍﺣﺪ .. ﻣﻦ ﺍﺻﺤﺎﺑﻮ .. ﺍﻫﺎ ﺍﻟﺒﺖ ﻟﻤﻦ ﺣﻤﻠﺖ ﻭﺣﻤﻠﻬﺎ ﻇﻬﺮ ﺑﻌﺪ ﺧﻤﺴﺔ ﺷﻬﻮﺭ .. ﺍﻟﺮﺍﺟﻞ ﺣﻠﻒ ﻗﺎﻝ ﺩﻩ ﻣﻮﺟﻨﺎﻱ ..
ﻭﻛﺖ ﺳﺄﻟﻨﺎﻫﻮ .. ﻗﺎﻝ ﺍﻧﺎ ﺍﺳﺎﺳﺎ ﻣﺎ ﺑﻘﺪﺭ ﺍﻗﺮﺏ ﻣﻦ ﻣﺮﺍﺓ .. ﻟﻜﻦ ﺍﺧﻮﺍﺗﻲ ﺟﺒﺮﻭﻧﻲ ﻋﻠﻰ ﺍﻟﻌﺮﺱ .. ﻭﻧﺤﻦ ﻣﺎﺻﺪﻗﻨﺎﻫﻮ .. ﻣﺸﻴﻨﺎ ﻣﻌﺎﻫﻮ ﻟﻠﺪﻛﺘﻮﺭ .. ﻭﻃﻠﻊ ﻛﻼﻣﻮ ﺻﺎﺡ ﻣﻔﻴﻬﻮ ﺍﻟﺤﺒﺔ .. ﻭﻳﺨﺮﺑﻮ ﻣﻦ ﺍﻟﺘﺘﻌﻚ ﺍﻟﺮﻣﺎﺩﻩ . ﻭﺑﺘﻨﺎ ﺣﺎﻣﻞ .. ﺍﻟﺪﻧﻴﺎ ﺿﺎﻗﺖ ﻋﻠﻴﻨﺎ .. ﻭﺍﻟﻠﻪ ﻳﺎﻭﻟﺪﻱ ﺑﻘﺖ ﻗﺪﺭ ﺧﺮﻡ ﺍﻻﺑﺮﻩ .. ﻭﻛﺖ ﻧﺴﺄﻟﻬﺎ ﺗﻜﻀﺐ ﻭﻛﻞ ﻣﺮﺓ ﺗﺠﻴﺒﻠﻬﺎ ﻛﻼﻡ ﺑﺮﺍﻫﻮ ﻓﻲ ﺍﻟﻨﻬﺎﻳﺔ ﺍﺗﺒﻜﺖ ﺗﺐ ﺑﺲ ﺍﻧﻘﺪﺕ ﻟﻴﻨﺎ ﺑﻜﺎ .. ﻭﻧﺤﻦ ﻟﺴﺎﻧﺎ ﺍﻧﻘﻄﻊ ..
ﺍﺑﻮﻫﺎ ﺟﺎﻫﻮ ﺿﻐﻂ ﻭﺳﻜﺮﻱ .. ﻭﻗﻔﻠﻬﺎ ﻫﻨﺎ ﻓﻲ ﺍﻟﺒﻴﺖ ..
ﻻﻣﻦ ﻭﻟﺪﺕ ﻭﺟﺎﺑﺖ ﻟﻴﻬﺎ ﺑﺖ .. ﻗﺎﻡ ﺍﺑﻮ ﺍﻭﻻﺩﻱ ﻗﺎﻝ ﻻﺑﻜﺘﻠﻬﺎ ﻻﺑﻜﺘﻠﻬﺎ ﺟﻨﺎﻫﺎ . ﺷﺎﻝ ﺍﻟﻄﻔﻠﻪ ﺍﻟﺴﺎﻋﺔ 3 ﺍﻟﺼﺒﺎﺡ .. ﻭﺧﺘﺎﻫﺎ ﻓﻮﻕ ﺍﻟﺸﺎﺭﻉ ﻓﻲ ﻣﻈﻠﺔ ..
ﻭﺣﻠﻒ ﺍﻧﻮ ﺷﺎﺷﻮﻗﺔ ﺗﺎﻧﻲ ﻣﺎﺗﻤﺮﻕ ﻣﻦ ﺍﻻﻭﺿﺔ ﺩﻱ .. ﻭﻻﺗﺸﻮﻑ ﺯﻭﻝ .. ﻭﻻﺯﻭﻝ ﻳﺸﻮﻓﻬﺎ ﻻﻣﻦ ﺗﻤﻮﺕ ..
ﻭﻗﺎﻝ ﻟﻲ ﻛﺎﻥ ﻣﺮﻗﺖ ﻣﻦ ﺍﻻﻭﺿﺔ .. ﺍﻧﺘﻲ ﻃﻠﻘﺎﻧﺔ ..
ﻭﻫﺴﻊ ﺍﺑﻮﻫﺎ ﺍﺗﻮﻓﻰ ﻟﻴﻬﻮ 3 ﺳﻨﺔ .. ﻭﻫﻲ ﺍﺑﺖ ﺗﻤﺮﻕ ﻛﻠﻮ ﻛﻠﻮ .. ﻭﺍﻧﺎ ﺯﺍﺗﻲ ﻣﺎﺩﺍﻳﺮﺍﻫﺎ ﺗﻤﺮﻕ ..
ﺍﻻﻧﻤﺮﻗﻬﺎ ﻣﻦ ﺍﻭﺿﺘﻬﺎ ﻋﻠﻰ ﺍﻟﻤﻘﺎﺑﺮ ﺟﻨﺎﺯﺓ .. ﺍﻟﻠﻪ ﻳﻌﺠﻞ ﺑﻲ ﻣﻮﺗﻬﺎ ﺑﺮﻛﺔ ﺍﻟﻠﻪ ..
ﻭﻫﻨﺎ ﻃﺒﻌﺎ " .. ﺍﺗﻄﺎﺑﻘﺖ ﺍﻻﻗﻮﺍﻝ ﻣﻊ ﺍﻗﻮﻝ ﻣﻨﺘﻜﺎﺭﻟﻮ .. ﻓﺨﺮﻱ ﺷﻜﺮ ﺍﻟﺤﺠﺔ ﻭﻗﺎﻝ ﻟﻴﻬﺎ ..
ﻣﺎﺗﺨﺎﻓﻲ .. ﺍﻧﺎ ﻣﺎﺑﺨﻠﻲ ﻭﺍﺣﺪ ﻓﻴﻜﻢ ﻳﺨﺶ ﺍﻟﺴﺠﻦ .. ﻭﻓﺎﺕ .. ﻭﺍﻧﺘﻬﺖ ﻣﻬﻤﺔ ﺍﻟﺒﺤﺚ ﺑﺘﺎﻋﺔ ﻓﺨﺮﻱ .. ﻭﺭﺟﻊ ﺑﻲ ﻛﻤﻴﺔ ﻣﻦ ﺍﻻﻻﻡ ﺗﻔﺮﺗﻖ ﺟﺒﻞ ﺍﺻﻢ .
ﻭﻟﺴﺎﻥ ﺣﺎﻟﻮ ﻳﻘﻮﻝ ..
ﺍﺣﺒﺎﻁ ﻋﻈﻴﻢ ﺷﺎﻳﻞ ﻭﺟﻊ ..
ﻓﻮﻕ ﺍﻟﻘﻠﻴﺐ ﺧﻴﻢ ﺭﺳﺎ ..
ﺍﻟﻤﺎﺿﻲ ﻛﺎﻥ ﺍﻓﺎﻕ ﺃﻟﻢ ..
ﺷﺒﺢ ﺍﻟﺘﺄﻭﻩ ﺣﺎﺭﺳﺎ ..
ﻭﺍﻟﻠﻴﻠﺔ ﻳﺎﻗﻠﺒﻲ ﺍﻟﺤﺰﻳﻦ ..
ﺟﺎﻙ ﺍﻟﻌﺬﺍﺏ ﺟﺎﻙ ﺍﻻﺳﻰ ..
ﺷﻮﻓﻲ ﺍﻟﺰﻣﻦ ( ﻳﺎﻧﻮﺭ ) ﺧﻼﺹ ..
ﻛﺘﻞ ﺍﻻﻣﺎﻧﻲ ﻭﻳﺒﺴﺎ ..
ــ
ﻭﻣﺸﻰ ﻋﻠﻲ ﺑﻴﺖ ﻋﺒﺪﺍﻟﻌﺰﻳﺰ .. ﻭﻗﻠﻊ ﺟﺰﻣﺘﻮ ﻭﺭﻗﺪ ﻓﻲ ﺍﻟﺴﺮﻳﺮ .. ﻭﻫﻮ ﻣﻨﻬﻚ ﻭﺗﻌﺒﺎﻥ .. ﻭﻳﻌﺎﻳﻦ ﻟﻠﺴﻘﻒ .. ﺁﻣﺎﻟﻮ ﻛﻠﻬﺎ ﺍﻧﻬﺎﺭﺕ . ﻓﺠﺄﺓ ﻗﺎﻡ ﻋﻠﻰ ﺣﻴﻠﻮ .. ﺯﻱ ﺍﻟﻔﻲ ﺯﻭﻝ ﻣﺤﻄﻮ ﺑﻲ ﺳﻮﻁ .. ﻭﻟﺒﺲ ﻧﻌﻼﺗﻮ ﻭﻣﺮﻕ ﺑﻲ ﺳﺮﻋﺔ ﺷﺪﻳﺪﺓ ..
ﺍﻟﻰ ﺍﻟﻠﻘﺎﺀ
ﺍﻟﻤﺴﺆﻭﻟﻴﺔ ..
ﺍﻟﺤﻠﻘﺔ 27 ..
ﺑﻘﻠﻢ ﻃﺎﺭﻕ ﺍﻟﻠﺒﻴﺐ ..
ﻓﺨﺮﻱ ﻃﻠﻊ ﺳﺮﻳﻊ .. ﺭﺟﻊ ﺗﺎﻧﻲ ﻟﺒﻴﺖ ﻧﺎﺱ ﺷﺎﺷﻮﻗﺔ .. ﻭﻛﺖ ﻭﺻﻞ .. ﺍﻟﺤﺠﺔ ﻗﺎﻟﺖ ﻟﻴﻬﻮ .. ﺍﻫﺎ ﺍﻥ ﺷﺎﺀ ﺍﻟﻠﻪ ﺧﻴﺮ ﻳﺎﻭﻟﺪﻱ .. ﻗﺎﻝ ﻟﻴﻬﺎ ﺍﻧﺎ ﻻﺯﻡ ﺍﺧﺪ ﺍﻗﻮﺍﻝ ﺷﺎﺷﻮﻗﺔ .. ﻻﺯﻡ ﻻﺯﻡ ﻳﺎ ﺣﺠﺔ ..
ﻗﺎﻟﺖ ﻟﻴﻬﻮ ﺩﻩ ﻣﺘﻞ ﺍﻟﺴﻤﺎ ﻟﻠﻮﻃﺎ .. ﻣﺎﺑﺘﻄﻠﻊ ﻟﻴﻚ ..
ﺍﻭﻝ ﺣﺎﺟﺔ ﺍﻧﺎ ﺭﺍﺟﻠﻲ ﺣﺎﻟﻒ ﻋﻠﻲ .. ﺩﺍﻳﺮﻧﻲ ﺍﻛﺴﺮ ﺣﻠﻴﻔﺘﻮ ﻫﻮ ﻣﻴﺖ؟
ﻗﺎﻝ ﻟﻴﻬﺎ ﻳﺎﺣﺠﺔ ﺭﺍﺟﻠﻚ ﺍﻟﻠﻪ ﻳﺮﺣﻤﻪ .. ﺧﻠﻴﻨﺎ ﻧﻤﺸﻲ ﻣﻊ ﺍﻟﻘﺎﻧﻮﻥ .. ﻗﺒﻞ ﻣﺎﺗﺤﺼﻞ ﻟﻴﻜﻢ ﻣﺸﺎﻛﻞ ﻭﺟﺮﺟﺮﺓ ﻣﺤﺎﻛﻢ .. ﻭﺳﺠﻮﻥ ﻭﻓﻀﺎﻳﺢ ﺍﻧﺘﻮ ﻏﻨﻰ ﻋﻨﻬﺎ ..
ﻗﺎﻟﺖ ﻟﻴﻬﻮ ﺧﻼﺹ ﺍﻣﺶ ﺍﺗﻜﻠﻢ ﻣﻌﺎﻫﺎ .. ﻣﻦ ﺧﺸﻢ ﺍﻻﻭﺿﺔ ﻣﻦ ﺑﺮﻩ ..
ﺍﻻﻭﺿﺔ ﻛﺎﻧﺖ ﻣﻘﻔﻮﻟﺔ .. ﺟﺎ ﻭﻗﻒ ﺟﻨﺐ ﺍﻟﺒﺎﺏ ﻭﺳﻤﻊ ﺻﻮﺗﻬﺎ ﺑﺘﻘﺮﺍ ﻓﻲ ﺍﻟﻘﺮﺍﻥ ..
ﻗﺎﻝ ﻟﻴﻬﺎ ﻳﺎ ﺍﺷﺘﻴﺎﻕ ﺳﻼﻡ ﻋﻠﻴﻜﻢ .. ﺍﻧﺎ ﺍﺳﻤﻲ ﻓﺨﺮﻱ .. ﺍﻣﻚ ﻓﻲ ﺧﻄﺮ ﻭﺍﺣﺘﻤﺎﻝ ﺗﺘﺴﺠﻦ .. ﻭﺑﺘﻚ ﺍﻟﻮﻟﺪﺗﻴﻬﺎ ﻋﺎﻳﺰﺓ ﺗﻨﺘﺤﺮ .. ﻟﻮ ﻣﺎﺟﻴﺘﻲ ﻃﺎﻟﻌﺔ .. ﺭﺑﻨﺎ ﺑﺤﺎﺳﺒﻚ ﻭﺍﻟﻠﻪ ..
ﻃﻮﺍﻟﻲ ﻭﻗﻔﺖ ﺍﻟﻘﺮﺍﻳﺔ ﻭﺟﺎﺕ ﻓﺘﺤﺖ ﺍﻟﺒﺎﺏ ..
ﻓﺨﺮﻱ ﺩﻩ ﻟﻤﻦ ﺷﺎﻓﻬﺎ ﺍﺗﺨﻠﻊ ﻗﺮﺏ ﻳﻘﻊ .. ﻣﻦ ﺷﺪﺓ ﺍﻟﺸﺒﺔ ﺍﻟﺒﻴﻨﻬﺎ ﻭﺑﻴﻦ ﻧﻮﺭ ..
ﺍﻟﻤﺮﺍﺓ ﺑﺎﻟﻠﻪ ﺯﻱ ﺍﻟﻨﺠﻔﺔ .. ﻧﺎﺭ ﻣﻮﻟﻌﺔ .. ﻧﻔﺲ ﻭﻗﻔﺖ ﻧﻮﺭ .. ﻭﻧﻈﺮﺗﻬﺎ ﻭﻋﻴﻮﻧﻬﺎ .. ﻭﻋﻼﻣﺔ ﺍﻟﺼﻼﺓ ﻣﺴﻮﺩﺓ ﻋﻠﻰ ﺟﺒﻬﺘﻬﺎ ﻭﻭﺷﻬﺎ ﻳﺸﻊ ﻧﻮﺭ ..
ﻗﺎﻝ ﻟﻴﻬﺎ ﺗﻌﺎﻟﻲ ﻭﺭﺍﻱ ﻟﻠﺼﺎﻟﻮﻥ ..
ﺟﺎﺕ ﻭﺭﺍﻫﻮ .. ﻣﺎﺷﺔ ﻧﻔﺲ ﻣﺸﻴﺔ ﻧﻮﺭ .. ﻭﺍﻟﺘﻜﻔﻮ ﻭﺍﻟﻬﺪﻭﺀ .. ﻭﻗﻌﺪﺕ ﻓﻲ ﻃﺮﻑ ﺍﻟﺴﺮﻳﺮ .. ﻭﻻﻣﺔ ﺟﺴﻤﻬﺎ ﻭﻛﺮﻋﻴﻬﺎ ﻭﻣﺪﻧﻘﺮﺓ ..
ﻓﺨﺮﻱ ﺩﻩ ﻟﻤﻦ ﺟﺎﺗﻮ ﺧﻮﻓﺔ ﻣﻦ ﺷﺪﺓ ﺍﻟﺸﺒﻪ ﻭﺍﻟﺘﺸﺎﺑﻪ ﺑﻴﻦ ﺍﻟﺒﺖ ﻭﺍﻣﻬﺎ ..
ﻭﺍﻣﻬﺎ ﻗﺎﻋﺪﺓ ﻓﻮﻕ ﺍﻟﻜﺮﺳﻲ ﺍﻟﻬﻨﺎ ﺩﺍﻙ .. ﻭﻓﺨﺮﻱ ﻗﺎﻋﺪ ﻓﻲ ﻛﺮﺳﻲ ﻣﻘﺎﺑﻠﻬﺎ . ﻗﺎﻝ ﻟﻴﻬﺎ ﺳﻴﺒﻲ ﺍﻟﻤﺴﻜﻨﺔ .. ﻭﺍﺣﻜﻲ ﻟﻲ ﺍﻟﺤﺼﻞ ﻣﻌﺎﻙ ﺑﺮﺍﺣﺔ ﻛﺪﺍ ﻭﺑﻬﺪﻭﺀ ..
ﻗﺎﻟﺖ ﻟﻴﻬﻮ ﺍﻧﺎ ﻣﺎﻋﻤﻠﺖ ﻏﻠﻂ .. ﺍﻧﺎ ﻋﺎﻳﺰﺓ ﺑﺘﻲ ..
ﺍﻧﺖ ﻋﺮﻓﺘﻬﺎ ﻛﻴﻒ ﺍﻧﻬﺎ ﺑﺘﻲ ﺍﻧﺎ؟ ﻗﺎﻝ ﻟﻴﻬﺎ ﺍﻟﺒﺸﻜﻴﺮ ﺍﻟﺒﻤﺒﻲ ﻭﺍﻟﺨﻴﻂ ﺍﻻﺣﻤﺮ ﻣﺘﺬﻛﺮﺍﻫﻢ ..
ﻃﻮﺍﻟﻲ ﺩﻣﻴﻌﺎﺗﻬﺎ ﻛﺒﻦ .. ﻭﻗﺎﻟﺖ ﻟﻴﻬﻮ .. ﺍﻧﺎ ﻋﺎﺭﻓﺔ ﺑﺘﻲ ﺑﺘﺮﺟﻊ ﻟﻲ ﻭﺍﻥ ﻃﺎﻝ ﺍﻟﺰﻣﻦ ..
ﺍﻧﺎ ﻛﻠﻤﺘﻬﻢ ﻫﻢ ﻣﺎﺻﺪﻗﻮﻧﻲ .. ﻗﻠﺖ ﻟﻴﻬﻢ ﺍﻟﺒﺖ ﺑﺖ ﻋﺒﺪ ﺍﻟﺮﺣﻤﻦ .. ﻣﺎ ﺑﺖ ﺣﻤﺪ ..
ﺍﻧﺎ ﻣﺎﻋﻤﻠﺖ ﺣﺮﺍﻡ ..
ﻗﺎﻝ ﻟﻴﻬﺎ ﻋﺒﺪ ﺍﻟﺮﺣﻤﻦ ﻣﻨﻮ؟
ﺍﻟﺤﺠﻪ : ﻗﺎﻟﺖ ﻟﻴﻬﻮ ﻋﺒﺪﺍﻟﺮﺣﻤﻦ ﺍﻟﺠﻴﺎﺷﻲ .. ﻟﻜﻦ ﻳﺎﻭﻟﺪﻱ ﻋﺒﺪ ﺍﻟﺮﺣﻤﻦ ﺩﻩ ﻻﺷﺎﻓﻬﺎ ﻻﺷﺎﻓﺘﻮ .. ﻭﻫﺎﺟﻤﻪ ﻓﻮﻗﻮ ﺍﻟﻘﺼﺔ ﺩﻱ .. ﻋﺸﺎﻥ ﻫﻮ ﻣﺎﺕ ﻓﻲ ﺍﻟﺠﻨﻮﺏ .. ﻭﺗﺎﻧﻲ ﻣﺎﺑﺠﻲ .. ﺩﻱ ﻭﺍﺣﺪﺓ ﻛﻀﺎﺑﺔ .. ﺍﻻ ﻛﺎﻧﺖ ﻣﻌﺎﻫﻮ ﻗﺒﺎﻝ ﺍﻟﻌﻘﺪ .. ﻟﻜﻦ ﺑﻌﺪ ﺍﻟﻌﻘﺪ ﻛﻀﺎﺑﺔ ﻛﻀﺎﺑﺔ ..
ﺷﺎﺷﻮﻗﺔ ﻗﺎﻟﺖ ﻟﻴﻬﻮ ﺍﻧﺎ ﻣﺎﺑﻘﺪﺭ ﺍﺣﻜﻲ ﺍﻛﺘﺮ ﻣﻦ ﻛﺪﺍ ..
ﺍﻟﺤﺠﺔ ﻗﺎﻟﺖ ﻟﻴﻬﻮ .. ﺍﻫﺎ ﻳﺎﻫﻮ ﺩﻩ ﺍﻟﻜﻼﻡ ﺍﻟﻤﺎﺳﻜﻪ ﻓﻴﻬﻮ ﻋﺸﺮﻳﻦ ﺳﻨﺔ ..
ﻓﺨﺮﻱ ﻗﺎﻝ ﻟﻴﻬﺎ ﻻﺯﻡ ﺗﺤﻜﻲ ﻳﺎﺷﺎﺷﻮﻗﺔ .. ﻭﺳﺮﻳﻊ ﻋﺸﺎﻥ ﺍﻧﺎ ﻣﺎﻋﻨﺪﻱ ﻭﻛﺖ ..
ﺑﺘﻚ ﻓﻲ ﺧﻄﺮ .. ﻭﺍﺣﺘﻤﺎﻝ ﺗﻘﺘﻞ ﺭﻭﺣﻬﺎ .. ﻓﻲ ﺍﻱ ﻟﺤﻈﺔ ﺑﺘﻚ ﺣﻴﺔ .. ﻭﺑﺠﻴﺒﻬﺎ ﻟﻴﻚ ﻭﺍﻟﻠﻪ ..
ﻗﺎﻟﺖ ﻟﻴﻬﻮ ﺧﻼﺹ .. ﻗﻮﻝ ﻟﻲ ﺍﻣﻲ ﺗﻄﻠﻊ ﺑﺮﺓ ..
ﺍﻣﻬﺎ ﻃﻠﻌﺖ ﻗﻌﺪﺕ ﻓﻲ ﻛﺮﺳﻲ ﺗﺤﺖ ﺍﻟﻨﻴﻤﺔ ﺍﻟﺒﺮﺓ ..
ﺷﺎﺷﻮﻗﺔ ﻗﺎﻟﺖ ﻟﻴﻬﻮ ﺍﻧﺎ ﺧﺠﻼﻧﺔ ﻣﻦ ﺍﻟﻜﻼﻡ ﻟﻜﻦ ﺑﺤﻜﻲ ﻟﻴﻚ ..
ﻋﺒﺪ ﺍﻟﺮﺣﻤﻦ ﺩﻩ ﺣﺒﻴﺒﻲ .. ﻭﻋﻼﻗﺘﻨﺎ ﺍﺳﺘﻤﺮﺕ ﺧﻤﺴﺔ ﺷﻬﻮﺭ .
ﻳﻮﻡ ﺍﻟﻌﻘﺪ ﺯﺍﺗﻮ ﻋﺒﺪ ﺍﻟﺮﺣﻤﻦ ﺟﺎﻫﻮ ﺍﺳﺘﺪﻋﺎﺀ ﻣﻦ ﺍﻟﺠﻴﺶ .. ﺍﻧﻮ ﻳﺒﻠﻎ ﺍﻟﻘﻴﺎﺩﺓ ﺍﻟﺴﺎﻋﺔ 7 ﺻﺒﺎﺣﺎ ﺗﺎﻧﻲ ﻳﻮﻡ .. ﺍﻻﺳﺘﺪﻋﺎﺀ ﻛﺎﻥ ﺑﻌﺪ ﺍﻟﻌﻘﺪ ﺑﺴﺎﻋﺔ ﺑﺲ ..
ﻗﺎﻡ ﺿﺮﺏ ﻟﻲ ﺗﻠﻔﻮﻥ ﻓﻲ ﺗﻠﻔﻮﻥ ﺍﻟﺒﻴﺖ .. ﻭﻗﺎﻝ ﻟﻲ ﻻﺯﻡ ﻧﺘﻼﻗﻰ ﺑﺎﻟﻠﻴﻞ .. ﻭﺍﻧﺎ ﺍﻣﻲ ﻣﺤﺬﺭﺍﻧﻲ ﺍﻧﻲ ﺍﻻﻗﻴﻬﻮ ..
ﻭﻗﺎﻟﺖ ﻟﻲ ﻋﻴﺐ ﺗﻼﻗﻴﻬﻮ ﺑﻌﺪ ﺍﻟﻌﻘﺪ .. ﺍﻻ ﺑﻌﺪ ﺍﻟﻌﺮﺱ ﻭﺍﻟﻜﺮﺍﻣﺔ ..
ﻭﻫﻮ ﻛﺎﻥ ﻣﺼﺮ ﻳﻼﻗﻴﻨﻲ .. ﻭﺍﻧﺎ ﺳﻤﻌﺖ ﻛﻼﻣﻮ ﻫﻮ .. ﻭﻗﻠﺖ ﻟﻴﻬﻮ ﻃﻴﺐ ﻧﺘﻼﻗﻰ ﻛﻴﻒ ؟
ﻭﻛﻨﺖ ﻣﺘﺸﻮﻗﺔ ﺍﻧﻲ ﺍﻻﻗﻴﻬﻮ .. ﻗﺎﻝ ﻟﻲ ﺍﻧﺎ ﺑﺨﺖ ﻟﻴﻚ ﺟﺮﻛﺎﻧﺔ ﻓﻴﻬﺎ ﻣﻮﻳﺔ ﻓﻮﻕ ﺍﻟﺤﻴﻄﺔ .. ﺍﻧﺖ ﺑﻌﺪ ﺍﻟﻌﺸﺎﺀ ﺧﻠﻲ ﺍﻣﻚ ﻭﺍﺑﻮﻙ ﻭﻋﺜﻤﺎﻥ ﺍﺧﻮﻙ ﻳﺸﺮﺑﻮ ﻣﻨﻬﺎ .. ﺍﻧﺎ ﻋﺎﻣﻞ ﻓﻴﻬﺎ ﻣﻨﻮﻡ ..
ﻭﺑﺠﻴﻚ ﺑﺎﻟﻠﻴﻞ ﻓﻲ ﺍﻟﺒﻴﺖ .. ﻭﻫﻢ ﻣﺎﺣﻴﺼﺤﻮ ﺑﻴﻨﺎ .. ﻭﻓﻌﻼ ﺧﺖ ﺍﻟﺠﺮﻛﺎﻧﺔ ﻭﺍﻧﺎ ﺷﻠﺘﻬﺎ ﻭﺩﺳﻴﺘﻬﺎ .. ﻭﻛﺒﻴﺘﻬﺎ ﻓﻲ ﺟﻚ ﺍﻟﻌﺸﺎﺀ ﻭﻛﻠﻬﻢ ﺷﺮﺑﻮ ﻭﻧﺎﻣﻮ ﻧﻮﻡ ﺷﺪﻳﺪ .. ﺿﺮﺑﺖ ﻟﻴﻬﻮ
ﻭﻋﺒﺪ ﺍﻟﺮﺣﻤﻦ ﺟﺎﻧﻲ ﻭﻋﺪﺍ ﻣﻌﺎﻱ ﺍﻟﻠﻴﻞ ﺩﺍﻙ ﻛﻠﻪ ..
ﻭﻭﻋﺪﺗﻪ ﺍﻧﻲ ﻣﺎ ﺣﺄﻛﻠﻢ ﺯﻭﻝ ﻧﻬﺎﺋﻲ ﻭﺣﻠﻔﺖ ﻟﻴﻬﻮ ..
ﻭﻋﺒﺪ ﺍﻟﺮﺣﻤﻦ ﺳﺎﻓﺮ ﺗﺎﻧﻲ ﻳﻮﻡ .. ﻭﺭﺳﻞ ﻟﻲ ﻭﺭﻗﺔ ﺍﻟﻄﻼﻕ ﻭﻛﺘﺐ ﻟﻲ ﻣﻌﺎﻫﺎ .. ﻗﺎﻝ ﻟﻲ ﺍﻧﺎ ﺗﺎﻧﻲ ﻣﺎﺟﺎﻱ ﺭﺍﺟﻊ ..
ﻧﺤﻦ ﻛﺘﻴﺒﺘﻨﺎ ﻋﺎﻣﻠﻴﻦ ﺗﻌﺎﻫﺪ ﻋﻠﻰ ﺍﻟﻨﺼﺮ ﺍﻭ ﺍﻟﺸﻬﺎﺩﺓ .. ﻭﻓﻌﻼ ﻓﻴﻤﺎ ﺑﻌﺪ ﻗﺎﻟﻮ ﺍﺳﺘﺸﻬﺪ .
ﺍﻫﺎ ﻟﻤﻦ ﺍﺗﻘﺪﻡ ﻟﻲ ﺍﻟﺰﻭﻝ ﺍﻟﺘﺎﻧﻲ ﺍﻻﺳﻤﻮ ﺣﻤﺪ . ﻣﺎﻗﺪﺭﺕ ﺍﻗﻮﻝ ﻟﻴﻬﻢ ﻋﺒﺪ ﺍﻟﺮﺣﻤﻦ ﺩﺧﻞ ﻋﻠﻲ ..
ﻭﻓﻌﻼ ﺣﻤﺪ ﻣﺎﻣﺴﺎﻧﻲ ﻧﻬﺎﺋﻲ .. ﻭﺍﻟﺤﻤﻞ ﻇﻬﺮ ﻭﺷﻜﻮ ﻓﻴﻨﻲ .. ﻭﺍﻧﺎ ﻣﺎﻗﺎﺩﺭﺓ ﺍﻗﻮﻝ ﻛﻼﻡ .. ﻻﻧﻲ ﻣﺎﺑﻘﺪﺭ ﺍﻗﻮﻝ ﻟﻨﺎﺱ ﺍﺑﻮﻱ ﻭﺍﻣﻲ ﺍﻧﺎ ﻋﻤﻠﺖ ﻟﻴﻜﻢ ﻣﻨﻮﻡ ﻭﺩﺧﻠﺖ ﻋﺒﺪﺍﻟﺮﺣﻤﻦ ﺍﻟﺒﻴﺖ ..
ﻭﻋﻠﻴﻚ ﺍﻟﻠﻪ ﻣﺎﺗﺤﻜﻲ ﻻﻣﻲ ﺍﻟﻜﻼﻡ ﺩﻩ .. ﻓﻲ ﺍﻟﻨﻬﺎﻳﺔ ﻋﺒﺪ ﺍﻟﺮﺣﻤﻦ ﺍﺳﺘﺸﻬﺪ .. ﻭﺍﻧﺎ ﻣﺎﻋﺎﻳﺰﺓ ﺍﻃﻠﻊ ﻓﻴﻬﻮ ﻛﻼﻡ ﺷﻴﻦ ..
ﻗﺎﻝ ﻟﻴﻬﺎ ﺑﺎﻟﺠﺪ ﺍﻧﺘﻲ ﺯﻭﻟﺔ ﻣﺴﻜﻴﻨﺔ ﻭﺍﻟﻐﻨﻤﺎﻳﺔ ﺗﺎﻛﻞ ﻋﺸﺎﻙ ..
ﺍﺣﺴﻦ ﺗﻘﻮﻟﻲ ﻛﺪﺍ ﻭﻻ ﺍﺣﺴﻦ ﻳﺘﻬﻤﻮﻙ ﺑﺎﻟﺤﺮﺍﻡ .. ﻭﺗﺸﺮﺩﻱ ﺑﺘﻚ ﻋﺸﺮﻳﻦ ﺳﻨﺔ .. ﻭﻫﻲ ﻣﺤﺮﻭﻣﺔ ﻣﻨﻚ ﻭﺍﻧﺘﻲ ﻣﺤﺮﻭﻣﺔ ﻣﻨﻬﺎ ..
ﻗﺎﻟﺖ ﻟﻴﻬﻮ ﻣﺮﺓ ﺣﻜﻴﺖ . ﻻﻣﻲ ﺟﺰﺀ ﻣﻦ ﺍﻟﻜﻼﻡ ﻭﻣﺎﺧﻠﺘﻨﻲ ﺍﻛﻤﻞ ﻛﻔﺘﺘﻨﻲ .. ﻭﻗﺎﻟﺖ ﻟﻲ ﺍﻧﺘﻲ ﻛﺬﺍﺑﺔ .. ﺍﻧﺘﻲ ﻗﻠﺘﻲ ﻋﺒﺪ ﺍﻟﺮﺣﻤﻦ ﻣﺎﻻﻗﻴﺘﻮ .. ﻋﺸﺎﻥ ﻛﺪﺍ ﻧﺤﻦ ﻋﺮﺳﻨﺎ ﻟﻴﻚ ﺑﺪﻭﻥ ﻋﺪﺓ .. ﺩﺍﻳﺮﺓ ﺗﻔﻀﺤﻴﻨﺎ ﺍﻧﺘﻲ ..
ﻓﺨﺮﻱ ﻗﺎﻝ ﻟﻴﻬﺎ ﻓﻌﻼ ﺩﻱ ﻣﺸﻜﻠﺔ .. ﻭﻋﻘﺪﺓ ﻛﺒﻴﺮﺓ ﻟﻜﻦ ﺍﻧﺎ ﺑﺤﻠﻬﺎ .. ﺍﻧﺘﻲ ﻣﺎﺗﺸﻴﻠﻲ ﻫﻢ ..
ﻭﺍﻧﺎ ﺑﻮﻋﺪﻙ ﺍﻥ ﺷﺎﺀ ﺍﻟﻠﻪ .. ﺍﻟﻘﻰ ﻟﻴﻚ ﻣﺨﺮﺝ .. ﺍﻧﺘﻲ ﻭﻧﻮﺭ ﻭﺍﺟﻤﻌﻚ ﺑﻲ ﺑﺘﻚ ﻗﺮﻳﺐ ..
ﻭﺍﻟﺤﺠﺔ ﺑﺮﺿﻮ ﻟﻤﻦ ﻫﻮ ﺟﺎﻱ ﻃﺎﻟﻊ .. ﻗﺎﻟﺖ ﻟﻴﻬﻮ ﺍﺳﻤﻊ ﻳﺎﻭﻟﺪﻱ .. ﺍﻭﻋﻚ ﺗﺠﻴﺐ ﻟﻴﻨﺎ ﺑﺖ ﺣﺮﺍﻡ ﻓﻲ ﺍﻟﺒﻴﺖ ﺩﻩ .. ﻧﺤﻦ ﻣﺎﺑﻨﻘﺒﻠﻬﺎ .. ﻗﺎﻝ ﻟﻴﻬﺎ ﺑﻮﻋﺪﻙ ﻳﺎﺣﺠﺔ ﻟﻮ ﺍﺗﺄﻛﺪﺕ ﺍﻧﻬﺎ ﻛﺪﺍ .. ﻣﺎﺑﺠﻴﺒﻬﺎ ﻟﻴﻜﻢ ﺍﺑﺪﺍ .. ﻭﻓﺤﺮﻱ ﻃﻠﻊ ﻓﺮﺣﺎﻥ ﺳﺒﺤﺎﻥ ﺍﻟﻠﻪ ﻋﻜﺲ ﺍﻟﺤﺎﻟﺔ ﺍﻟﻤﺮﻕ ﺑﻴﻬﺎ ﻗﺒﻴﻞ ..
ﻳﺎﺳﻼﺍﺍﺍﺍﺍﻡ ﻭﺍﻟﻠﻪ ﻓﺨﺮﻱ ﺩﻩ ﻓﺮﺡ ﻓﺮﺡ .. ﻣﻊ ﺍﻧﻮ ﻛﻼﻡ ﺍﻟﺤﺠﺔ .. ﺑﻴﻮﺣﻲ ﺍﻧﻮ ﺍﺷﺘﻴﺎﻕ ﻛﺬﺍﺑﺔ ﻛﺒﻴﺮﺓ .. ﺑﺲ ﻫﻮ ﻋﺎﻳﺰ ﻳﺘﻌﻠﻖ ﺑﺎﻟﻜﻼﻡ ﺩﻩ ..
ﻧﺸﻮﻓﻮ ﺍﻟﺰﻭﻝ ﺍﻟﻤﺴﻠﻂ ﺩﻩ ﺡ ﻳﺴﻮﻱ ﺷﻨﻮ؟
.. ﺍﻟﻰ ﺍﻟﻠﻘﺎﺀ
ﺍﻟﻤﺴﺆﻟﻴﺔ ..
ﺍﻟﺤﻠﻘﺔ 28
ﺑﻘﻠﻢ ﻃﺎﺭﻕ ﺍﻟﻠﺒﻴﺐ ..
ﻓﺨﺮﻱ ﻓﻲ ﻓﺮﺣﺘﻮ ﺩﻳﻚ .. ﻃﻠﻊ ﻣﻦ ﺍﺷﺘﻴﺎﻕ ﻭﺍﻣﻬﺎ ﺑﻌﺪ ﻣﺎﺷﺎﻝ ﺍﻻﺳﻢ ﺍﻟﻜﺎﻣﻞ ﻭﺍﻟﻌﻨﻮﺍﻥ ﻟﻐﺒﺪ ﺍﻟﺮﺣﻤﻦ ﻭﺍﻫﻠﻮ ﻭﺣﻤﺪ ﻭﺍﻫﻠﻮ .. ﻻﻧﻪ ﻋﻨﺪﻭ ﺧﻴﻮﻁ ﻛﺘﻴﺮﺓ ﻋﺎﻳﺰ ﻳﺠﻤﻌﻬﺎ ..
ﺍﻟﻤﻬﻢ ﻣﺸﻰ ﻟﻌﺒﺪ ﺍﻟﻌﺰﻳﺰ .. ﻭﻗﺎﻝ ﻟﻴﻬﻮ ﺟﺰﺍﻙ ﺍﻟﻠﻪ ﺧﻴﺮ .. ﺍﻧﺎ ﺧﻼﺹ ﻣﻔﺮﺗﻚ .. ﻭﺩﻋﺘﻚ ﺍﻟﻠﻪ .. ﻭﺩﻩ ﺣﻖ ﺍﻻﻳﺠﺎﺭ ﺑﺘﺎﻉ ﺍﻟﺸﻬﺮ ..
ﻋﺒﺪ ﺍﻟﻌﺰﻳﺰ ﻗﺎﻟﻴﻬﻮ ﻋﻠﻰ ﺍﻟﻄﻼﻕ ﻗﺮﺵ ﻣﺎﺗﺪﻓﻌﻪ ..
ﺍﻧﺖ ﻣﺎﻗﻌﺪﺕ ﺍﻛﺘﺮ ﻣﻦ 13 ﻳﻮﻡ .. ﺍﻋﺘﺒﺮﻫﺎ ﺿﻴﺎﻓﺔ .. ﺍﻧﺖ ﻳﺎﺯﻭﻝ ﻭﺍﻟﻠﻪ ﺭﺍﺟﻞ ﻛﻨﺰ ..
ﺍﻧﺖ ﻣﻦ ﻳﻮﻡ ﺳﻜﻨﺖ ﻣﻌﺎﻱ ﺑﺘﺠﻴﺐ ﺍﻻﻛﻞ ﻣﺎﺧﻠﻴﺘﻨﻲ ﺩﻓﻌﺖ ﻗﺮﺵ .. ﺍﻧﺎ ﺍﺟﻲ ﺍﺷﻴﻞ ﻣﻨﻚ ﺣﻖ ﺍﻻﻳﺠﺎﺭ؟ ﻳﺎﺭﺍﺟﻞ ﺣﺮﺍﻡ ﻋﻠﻴﻚ ..
ﺍﻟﻤﻬﻢ ﻭﺩﻉ ﺍﻟﺮﺍﺟﻞ ﻭﻣﺸﻰ . ﻣﺸﻰ ﻟﺨﺎﻟﺘﻮ .. ﻭﻗﺎﻝ ﻟﻴﻬﺎ ﺍﻧﺎ ﻋﻨﺪﻱ ﻛﻢ ﻣﺸﻮﺍﺭ ﻟﺴﻪ ﻗﻀﻴﺘﻲ ﻣﺎ ﺍﻧﺘﻬﺖ ..
ﺍﻭﻝ ﺣﺎﺟﺔ ﻣﺸﻰ ﻟـ ﺍﻫﻞ ﻋﺒﺪ ﺍﻟﺮﺣﻤﻦ ﻓﻲ ﺍﻡ ﺩﺭﻣﺎﻥ .. ﻭﻗﺎﻟﻮ ﻟﻴﻬﻮ .. ﻧﺤﻦ ﺟﺎﺗﻨﺎ ﺍﻧﺒﺎﺀ ﻣﺆﻛﺪﻩ ﺍﻧﻮ ﻋﺒﺪ ﺍﻟﺮﺣﻦ ﺍﺳﺘﺸﻬﺪ .. ﺭﺑﻨﺎ ﻳﻘﺒﻠﻪ . ﻗﺎﻝ ﻟﻴﻬﻢ ﺍﻟﻜﻼﻡ ﺩﻩ ﺳﻨﺔ ﻛﻢ ؟
ﻭﺭﻭﻫﻮ ﺑﺎﻟﻀﺒﻂ .. ﻭﻭﺭﺍﻫﻢ ﺍﻧﻮ ﻓﻲ ﺍﺟﺮﺍﺀﺍﺕ ﻋﺎﻳﺰ ﻳﻌﻤﻠﻬﺎ ﻟﻤﺼﻠﺤﺘﻪ ﻭﻣﺼﻠﺤﺔ ﺍﻫﻠﻮ ﻭﺍﻟﻤﻬﻤﺔ ﺳﺮﻳﺔ .. ﻭﺷﺎﻝ ﻣﻨﻬﻢ ﺻﻮﺭﺓ ﻟﻌﺒﺪ ﺍﻟﺮﺣﻤﻦ .. ﻭﻣﻌﺎﻫﻮ ﻓﻲ ﺍﻟﺼﻮﺭﺓ ﺍﺧﻮﻫﻮ .. ﻓﻲ ﻭﺍﺣﺪ ﻣﻦ ﺍﺧﻮﺍﻥ ﻋﺒﺪ ﺍﻟﺮﺣﻤﻦ ﻇﺎﻫﺮ ﻋﻠﻴﻬﻮ ﺯﻭﻝ ﺷﻬﻢ ..
ﻗﺎﻝ ﻟﻔﺨﺮﻱ ﺍﻧﺖ ﺍﺣﻜﻲ ﻟﻲ ﺍﻟﺤﺎﺻﻞ ﻭﺍﻧﺎ ﺑﺴﺎﻋﺪﻙ ﻣﺴﺎﻋﺪﺓ ﻣﺎ ﺗﺘﺨﻴﻠﻬﺎ ..
ﻓﺨﺮﻱ ﻗﺎﻝ ﻟﻴﻬﻮ ﻟﻮ ﺑﺘﻌﺎﻫﺪﻧﻲ ﺍﻧﻚ ﻣﺎﺗﺘﻜﻠﻢ . ﺑﺤﻜﻲ ﻟﻴﻚ .. ﻋﺎﻫﺪﻭ .. ﺣﻜﺎ ﻟﻴﻬﻮ ..
ﺍﻫﺎ ﺍﺧﻮ ﻋﺒﺪﺍﻟﺮﺣﻤﻦ ﻗﺎﻝ ﻟﻴﻬﻮ ﺩﻱ ﻣﺮﺍﺓ ﻛﺬﺍﺑﺔ .. ﻻﻧﻮ ﻋﺒﺪ ﺍﻟﺮﺣﻤﻦ ﻗﺒﻞ ﻣﺎﻳﺴﺎﻓﺮ ﺍﻟﻠﻴﻞ ﻛﻠﻮ ﻛﺎﻥ ﻣﻌﺎﻧﺎ ﻫﻨﺎ ﻓﻲ ﺍﻟﺒﻴﺖ . ﻭﺗﺎﻧﻲ ﻳﻮﻡ ﺳﺎﻓﺮ . ﻳﻌﻨﻲ ﻣﺸﺎ ﻟﻴﻬﺎ ﺑﻮﻳﻦ ؟
ﻃﻴﺐ ﻫﻨﺎ .. ﻓﺨﺮﻱ ﺑﺪﺍ ﻳﺸﻚ ﺑﺎﻟﻔﻌﻞ ﻓﻲ ﻛﻼﻡ ﺷﺎﺷﻮﻗﺔ .
ﻓﺨﺮﻱ ﻗﺎﻝ ﺍﻧﺎ ﻻﺯﻡ ﺍﻭﺻﻞ ﻛﻼﻡ ﺷﺎﺷﻮﻗﻪ ﺣﺪﻭ ..
ﻋﻨﺪﻭ ﺻﺎﺣﺒﻮ ﻭﺯﻣﻴﻞ ﺩﺭﺍﺳﺔ ﻭﺯﻭﻝ ﺍﺻﻠﻲ . ﺍﺳﻤﻮ ﺧﺎﻟﺪ . ﺍﺑﻮﻫﻮ ﺿﺎﺑﻂ ﻛﺒﻴﺮ ﻓﻲ ﺍﻟﻘﻮﺍﺕ ﺍﻟﻤﺴﻠﺤﺔ .. ﻣﺸﻰ ﻟﺼﺎﺣﺒﻮ ﺩﻩ ﻓﻲ ﺑﺮﻱ ..
ﻭﻗﺎﻝ ﻟﻴﻬﻮ ﺍﻭﻝ ﻣﺮﺓ ﺍﻗﺼﺪﻙ ﻓﻲ ﺧﺪﻣﺔ .. ﻋﺎﻳﺰﻙ ﺗﺸﻴﻞ ﺍﻟﻤﻌﻠﻮﻣﺎﺕ ﺩﻱ .. ﺩﻱ ﻣﻌﻠﻮﻣﺎﺕ ﺑﺘﺎﻋﺔ ﺯﻭﻝ ﺿﺎﺑﻂ ﻣﻼﺯﻡ ﺍﻭﻝ .. ﺍﺳﻤﻮ ﻋﺒﺪ ﺍﻟﺮﺣﻤﻦ ﻓﻼﻥ ﺍﻟﻔﺮﺗﻜﺎﻧﻲ .. ﺍﺗﺤﺮﻙ ﺍﻟﺠﻨﻮﺏ ﻓﻲ ﺳﻨﺔ ﻛﺪﺍ .. ﻳﻮﻡ ﻛﺪﺍ ﺑﺎﻟﺘﺎﺭﻳﺦ .. ﻋﺎﻳﺰ ﺍﺑﻮﻙ ﻣﻦ ﺍﻟﺴﺠﻼﺕ ﻳﺠﻴﺐ ﻟﻲ ﺗﻔﺎﺻﻴﻞ ﻋﻦ ﺍﺍﻟﺰﻭﻝ ﺩﻩ .. ﻭﻣﻜﺎﻥ ﺍﻟﻤﻌﺎﺭﻙ ﻭﺍﻟﻌﻤﻠﻴﺎﺕ .. ﻭﻣﻜﺎﻥ ﻣﻘﺘﻠﻪ ﻭﺍﻱ ﺣﺎﺟﺔ .. ﻗﺎﻝ ﻟﻴﻬﻮ ﺟﺪﺍ .. ﺧﺎﻟﺪ ﻣﺸﻰ ﻻﺑﻮﻫﻮ ﻭﺍﺑﻮﻫﻮ ﻛﺎﻥ ﻣﺘﺠﺎﻭﺏ ﺟﺪﺍ .. ﻭﻓﻲ ﺍﺳﺒﻮﻉ ﺟﺎﺏ ﻟﻴﻬﻢ ﻣﻌﻠﻮﻣﺎﺕ
ﻋﻦ ﻣﻘﺘﻞ ﻋﺒﺪ ﺍﻟﺮﺣﻤﻦ .. ﻭﻣﻌﺎﻫﻮ ﻛﻤﻴﺔ ﻣﻦ ﺍﻟﺠﻨﻮﺩ ﻭﻛﺎﻧﺖ ﺍﻟﻌﻤﻠﻴﺎﺕ ﺟﻨﻮﺏ ﻣﻠﻜﺎﻝ ,, ﻭﺍﺗﻌﺮﺿﻮ ﻟﻜﻤﻴﻦ ﻛﺒﻴﺮ .. ﻭ ﺍﻧﻮ ﻗﺘﻞ ﻋﺪﺩ ﻛﺒﻴﺮ ﻣﻦ ﺍﻟﺠﻨﻮﺩ ﻭﺍﻟﺒﻘﻴﺔ ﺍﻧﺴﺠﺒﺖ ﺍﻧﺴﺤﺎﺏ ﺗﻜﺘﻴﻜﻲ ﻟﻤﺪﻳﻨﺔ ﻛﺎﺩﻗﻠﻲ ﺷﻤﺎﻝ ﻣﻜﺎﻝ .. ﻭﻛﺎﻥ ﺍﻟﻜﻤﻴﻦ ﻣﻔﺎﺟﻲ .. ﻓﻌﺸﺎﻥ ﻛﺪﺍ ﺻﻌﺐ ﻳﺘﺤﺪﺩ ﺍﻟﻤﺎﺕ ﻣﻦ ﺍﻟﺠﺮﻳﺢ .. ﻟﻜﻦ ﻋﺒﺪ ﺍﻟﺮﺣﻤﻦ ﻣﻦ ﺿﻤﻦ ﺍﻟﻨﺎﺱ ﺍﻻﺗﺨﻠﻔﻮ .. ﻗﺘﻠﻰ ﺍﻭ ﺟﺮﺣﻲ ﻻﻳﻘﺪﺭﻭ ﻋﻠﻰ ﺍﻟﺘﺤﺮﻙ .. ﻭﺣﺘﻤﺎ ﺑﺘﻢ ﺗﺼﻔﻴﺘﻬﻢ ﻣﻦ ﻗﺒﻞ ﺍﻟﻤﺘﻤﺮﺩﻳﻦ ..
ـﻔﺨﺮﻱ ﺧﻼﺹ ﻗﻨﻊ ﻣﻦ ﺍﻱ ﺩﻻﻳﻞ ﻣﻤﻜﻦ ﺗﺒﺮﺉ ﺷﺎﺷﻮﻗﺔ ..
ﻭﺍﻟﻔﺮﺣﺔ ﺩﻳﻞ ﻛﻠﻬﺎ ﺑﺪﺕ ﺗﺘﺴﺮﺏ ﻣﻦ ﻳﺪﻳﻬﻮ . ﻗﺎﻡ ﻓﻜﺮ ﻓﻲ ﻓﻜﺮﺓ ﻋﺠﻴﺒﺔ .. ﺧﻼﺹ .. ﻭﺑﺪﺍ ﻳﺮﺳﻢ ﺧﻄﺔ ﻳﺘﺤﺼﻞ ﺑﻴﻬﺎ ﻋﻠﻰ ﻧﻮﺭ ﺑﺴﺮﻋﺔ
ﻗﺒﻞ ﻣﺎﻧﻮﺭ ﺗﻌﺮﻑ ﺍﻟﺤﻘﺎﻳﻖ ﺩﻱ .. ﻣﺸﻰ ﻗﺎﻝ ﻟﺨﺎﻟﺘﻮ ﺩﻛﺘﻮﺭﺓ ﻓﺎﻃﻤﺔ
ﺍﻧﺎ ﻋﻨﺪﻱ ﻛﺮﺕ ﺭﺍﺑﺢ ﺑﺨﻠﻲ ﻧﻮﺭ ﺗﻘﺒﻞ ﺑﻲ ..
ﻗﺎﻟﺖ ﻟﻴﻬﻮ ﺍﻫﺎ ﺷﻨﻮ؟؟ ﻗﺎﻝ ﻟﻴﻬﺎ ﻧﻮﺭ ﻟﻮ ﺑﺘﻘﺒﻞ ﺑﻲ ﻭﺗﺴﻴﺐ ﺍﻟﻜﻼﻡ ﺍﻟﻔﺎﺭﻍ ﺍﻟﺒﺘﻘﻮﻝ ﻓﻴﻬﻮ ﺩﻩ ..
ﺍﻧﺎ ﻣﺴﺘﻌﺪ ﺍﺧﻠﻴﻬﺎ ﺗﺸﻮﻑ ﺍﻣﻬﺎ ﺍﻟﻮﻟﺪﺗﻬﺎ .. ﻭﺣﺒﻮﺑﺘﻬﺎ ﺍﻡ ﺍﻣﻬﺎ .. ﻭﺧﺎﻟﻬﺎ ﺍﺧﻮ ﺍﻣﻬﺎ ..
ﻻﻧﻬﻢ ﻫﻢ ﻣﺎﻋﺎﺭﻓﻨﻬﺎ ﻭﻳﻦ؟
ﻻﺣﻈﻮ ﺣﺎﺟﺔ .. ﻓﺨﺮﻱ ﻣﺎﻛﻠﻢ ﻣﻨﺘﻜﺎﺭﻟﻮ ﺑﺎﻱ ﻣﻌﻠﻮﻣﺔ ﻋﻦ ﻧﻮﺭ .. ﻭﻻﻛﻠﻢ ﺣﺒﻮﺑﺘﻬﺎ ﺣﺠﺔ ﺍﻟﺴﺮﻑ .. ﻭﺣﺘﻲ ﺷﺎﺷﻮﻗﻪ ﻣﺎﻋﺎﺭﻓﺔ ﺣﺎﺟﺔ ﻋﻦ ﻧﻮﺭ ﻏﻴﺮ ﺍﻧﻬﺎ ﺣﻴﺔ ﻭﻣﻮﺟﻮﺩﻩ ﻭﻋﺎﻳﺰﺓ ﺗﻨﺘﺤﺮ ..
ﻓﺎﻃﻤﺔ ﻗﺎﻟﺖ ﻟﻴﻬﻮ ﻓﻌﻼ ﺩﻩ ﻛﺮﺕ ﺭﺍﺑﺢ ﺟﺪﺍ .. ﻭﺍﻧﺖ ﻣﻤﻜﻦ ﺗﻜﺴﺐ ﺑﻴﻬﻮ ﺍﻟﺠﻮﻟﺔ .. ﻭﻋﺸﺎﻥ ﻧﻮﺭ ﺗﺸﻮﻑ ﺍﻣﻬﺎ ﻣﻤﻜﻦ ﺗﻘﺒﻞ ﺑﻴﻚ .. ﺻﺪﻗﻨﻲ ﺍﻧﺖ ﺯﻭﻝ ﺧﻄﻴﺮ ﺟﺪﺍ ..
ﻃﻮﺍﻟﻲ ﺍﻟﻌﺼﺮﻳﺔ .. ﺍﺗﻮﺟﻪ ﻣﺸﻰ ﻋﻠﻲ ﺑﻴﺖ ﻧﺎﺱ ﻣﺤﻤﺪ .. ﻫﻮ ﺍﻟﺸﺎﺭﻉ ﻟﺴﻊ ﻣﺎﻭﺻﻞ .. ﺧﺎﻟﺘﻮ ﺿﺮﺑﺖ ﻟﻴﻬﻮ ﺗﻠﻔﻮﻥ ..
ﻗﺎﻟﺖ ﻟﻴﻬﻮ ﻳﺎﻓﺨﺮﻱ ﺍﻣﻚ ﻭﺻﻠﺖ ﻣﻦ ﺍﻻﺑﻴﺾ ..
ﻗﺎﻝ ﻟﻴﻬﺎ ﺧﻼﺹ ﺍﻧﺎ ﺑﻤﺸﻲ ﻭﺑﺠﻲ .. ﻣﺸﻰ ﺑﻴﺖ ﻧﺎﺱ ﻧﻮﺭ .. ﻭﻟﻘﻰ ﻧﻮﺭ ﻳﺎﺩﻭﺏ ﺟﺎﺕ ﻣﻦ ﺍﻟﻤﺪﺭﺳﺔ ﻭﻣﺤﻤﺪ ﻧﺎﻳﻢ . ﻛﻮﺛﺮ ﻓﺘﺤﺖ ﻟﻴﻬﻮ ﺍﻟﺒﺎﺏ ﻭﺭﺣﺒﺖ ﺑﻴﻬﻮ ﻭﻗﺎﻟﺖ ﻟﻴﻬﻮ ﺣﺮﺍﻡ ﻋﻠﻴﻚ ﻳﺎﻓﺨﺮﻱ ﻟﻴﻪ ﺗﻨﻘﻄﻊ ﻣﻨﻨﺎ ﺍﻟﻔﺘﺮﺓ ﺩﻱ ﻛﻠﻬﺎ ..
ﺧﻠﻴﺖ ﺍﻟﺒﺖ ﻣﺘﻌﻠﻘﺔ ﻓﻴﻚ ﻭﻣﺸﻴﺖ .. ﻛﻞ ﻣﺎﺗﻘﺮﺍ ﻟﻴﻬﺎ ﺻﻔﺤﺔ ﺗﻘﻮﻝ ﻟﻴﻨﺎ ﻓﺨﺮﻱ ﻣﺎﺟﺎﻛﻢ ﺗﺎﻧﻲ؟
ﻓﺨﺮﻱ ﺩﺧﻞ ﻻﺟﻮﺓ ﻭﻣﺤﻤﺪ ﺻﺤﻰ ﻣﻦ ﺍﻟﻨﻮﻡ ﻭﺭﺣﺐ ﺑﻴﻬﻮ ﻭﻓﺨﺮﻱ ﻗﺎﻝ ﻟﻤﺤﻤﺪ ﻳﺎﻣﺤﻤﺪ ﺍﻧﺎ ﻋﻨﺪﻱ ﻣﻮﺿﻮﻉ ﺿﺮﻭﺭﻱ ﻭﻣﻬﻢ ﻭﻋﺎﻳﺰ ﺍﺣﻜﻴﻬﻮ ﻟﻨﻮﺭ ..
ﻧﺎﺩﻭﻫﺎ ﻟﻴﻬﻮ ﻟﺒﺴﺖ ﻭﺟﺎﺗﻮ .. ﺗﻤﺸﻲ ﺑﻲ ﻣﻬﻞ ﻭﺗﺘﻜﻔﺎ .. ﻭﻗﻌﺪﺕ ﻓﻲ ﻃﺮﻑ ﺍﻟﺴﺮﻳﺮ ﻭﻻﻣﺔ ﻋﻠﻴﻬﺎ ﺟﺴﻤﻬﺎ ﻭﻛﺮﻋﻴﻬﺎ .. ﻭﻣﺪﻧﻘﺮﺓ ..
ﻓﺨﺮﻱ ﻗﺎﻝ ﻟﻴﻬﺎ ﻳﺎﻧﻮﺭ .. ﺍﻧﺎ ﻣﺴﺘﻌﺪ ﺍﺧﻠﻴﻚ ﺗﺸﻮﻓﻲ ﺍﻣﻚ ﺍﻟﻮﻟﺪﺗﻚ ..
ﻗﺎﻟﺖ ﻟﻴﻬﻮ .. ﻋﻠﻴﻚ ﺍﻟﻠﻪ؟ ﻣﻌﻘﻮﻝ ؟؟ ﺍﻭﻋﻚ ﺗﻐﺶ ﻋﻠﻲ ﻳﺎﻓﺨﺮﻱ ..
ﻗﺎﻝ ﻟﻴﻬﺎ ﻭﺍﻟﻠﻪ ﺍﻟﻌﻈﻴﻢ ﺍﻟﻤﻌﺒﻮﺩ ﺑﺎﻟﺤﻖ ..
ﻗﺎﻟﺖ ﻟﻴﻬﻮ ﺳﺎﻛﻨﺔ ﻭﻳﻦ ؟ ﺍﺳﻤﻬﺎ ﻣﻨﻮ .. ؟ ﻛﻴﻔﻨﻬﺎ؟ ﻫﻲ ﻛﻮﻳﺴﺔ ؟؟
ﻗﺎﻝ ﻟﻴﻬﺎ ﻭﻻ ﺍﺟﺎﺑﺔ ﻭﺍﺣﺪﺓ ﻣﻦ ﺩﻳﻞ ﻣﺎﺑﺠﺎﻭﺑﻚ ﺍﻻ ﺑﺸﺮﻁ ..
ﻗﺎﻟﺖ ﻟﻴﻬﻮ ﺍﻱ ﺷﺮﻁ ﺗﻘﺒﻠﻲ ﺑﻲ ﻛﺸﺮﻳﻚ ﺣﻴﺎﺓ ..
ﻭﻣﺤﻤﺪ ﻭﻛﻮﺛﺮ ﻣﻄﻴﺮﻳﻦ ﻋﻴﻨﻴﻬﻢ .. ﻭﺷﺎﻛﻴﻦ ﻓﻲ ﻛﻼﻡ ﻓﺨﺮﻱ ﻟﻜﻦ ﻭﻛﺖ ﺣﻠﻒ ﻇﻬﺮ ﻋﻠﻴﻬﻢ ﺍﻻﻧﺪﻫﺎﺵ ﺣﻘﻴﻘﺔ ..
ﻓﺨﺮﻱ ﻗﺎﻝ ﻟﻴﻬﺎ ﻳﺎﻧﻮﺭ .. ﻣﻬﻤﺎ ﻛﺎﻥ ﺍﺻﻠﻚ ﻭﻧﺴﺒﻚ .. ﻧﺤﻦ ﻣﺎﺑﻬﻤﻨﺎ ﺍﻟﺒﻬﻤﻨﺎ ﺑﺲ ﺍﻧﺘﻲ ﻭﺍﺧﻼﻗﻚ ﻭﺩﻳﻨﻚ ..
ﺍﻧﺎ ﻋﺎﻳﺰﻙ ﺗﻮﺍﻓﻘﻲ ﻋﻠﻰ ﻻﻧﻮ ﺍﻧﺎ ﻭﺍﻫﻠﻲ ﻭﺍﻟﺪﺗﻲ ﻭﺧﺎﻟﺘﻲ ﻛﻠﻨﺎ ﻋﺎﻳﺰﻧﻚ .. ﻭﻣﺶ ﻋﺸﺎﻥ ﻧﻘﻴﻒ ﻣﻌﺎﻙ ﺍﻭ ﺑﺪﺍﻓﻊ ﺍﻟﺸﻔﻘﺔ ..
ﻻ ﺃﺑﺪﺍ .. ﻻﻧﻨﺎ ﻧﺤﻦ ﻋﺎﻳﺰﻳﻨﻚ ﺍﻧﺘﻲ .. ﻻﻧﻚ ﺍﻧﺴﺎﻧﺔ ﺟﻮﻫﺮﺓ .. ﻭﻻﻫﻤﺎﻧﺎ ﺑﺎﻟﻤﺠﺘﻤﻊ ﻭﻛﻼﻡ ﺍﻟﻨﺎﺱ ..
ﻗﺎﻟﺖ ﻟﻴﻬﻮ .. ﻭﺍﻧﺎ ﻛﻤﺎﺍﻥ ﻭﺍﻟﻠﻪ ﻋﺎﻳﺰﺍﻛﻢ .. ﻭﺭﺍﻏﺒﺔ ﻓﻲ ﺍﻻﺭﺗﺒﺎﻁ ﺑﻴﻜﻢ .. ﻭﻣﺸﺘﺎﻗﺔ ﺍﺷﻮﻑ ﺧﺎﻟﺘﻲ ﺯﻳﻨﺐ .. ﻭﻟﺒﻨﻰ ﻭﺳﺎﺭﺓ ﻭﻧﻔﺴﻲ ﺍﻋﻴﺶ ﺑﺎﻗﻲ ﻋﻤﺮﻱ ﺑﻴﻨﻜﻢ ﺍﻧﺘﻮ ..
ﺍﻧﺘﻮ ﺍﻟﻮﺣﻴﺪﻳﻦ ﺍﻟﺒﺘﻌﻮﺿﻮﻧﻲ ﻋﻦ ﺍﻣﻲ ﻛﻮﺛﺮ ﻭﺍﺑﻮﻱ ﻣﺤﻤﺪ .. ﺑﺲ ﺍﻧﺎ ﺧﺎﻳﻔﺔ ﻋﻠﻴﻜﻢ ﻣﻦ ﻛﻼﻡ ﺍﻟﻨﺎﺱ ﻳﺎﻓﺨﺮﻱ ..
ﻗﺎﻝ ﻟﻴﻬﺎ ﻭﻻﻳﻬﻤﻚ .. ﺍﻧﺘﻲ ﻟﻮ ﻋﺎﻳﺰﺓ ﺗﺸﻮﻓﻲ .. ﺍﻣﻚ ﻏﻴﺮﻱ ﺭﺍﻳﻚ ﺩﻩ ..
ﻗﺎﻟﺖ ﻟﻴﻬﻮ ﻟﺤﻈﺎﺕ ﻃﻴﺐ ﺍﺳﺘﺨﻴﺮ ﻭﺍﺟﻲ ..
ﻓﻲ ﻟﺤﻈﺔ ﻧﻮﺭ ﻃﺎﻟﻌﺔ ﻋﺸﺎﻥ ﺗﺴﺘﺨﻴﺮ .. ﻓﻲ ﺍﻣﺠﺎﺩ ﻭﻗﻔﺖ ﺑﺮﺓ .. ﻭﺍﻟﺒﺎﺏ ﺩﻗﻪ .. ﻣﺤﻤﺪ ﻣﺸﻰ ﻓﺘﺢ ﺍﻟﺒﺎﺏ ﻟﻘﻰ ﻣﺮﺍﺗﻴﻦ .. ﻭﺍﺣﺪﺓ ﻟﻘﺎﻫﺎ ﺯﻳﻨﺐ ﺍﻡ ﻓﺨﺮﻱ ﻃﺒﻌﺎ " ﺑﻌﺮﻓﻬﺎ ﺷﺪﻳﺪ .. ﻣﻌﺎﻫﺎ ﻓﺎﻃﻤﺔ ﺍﺧﺘﻬﺎ ..
ﻟﻤﻦ ﻧﻮﺭ ﺳﻤﻌﺖ ﺻﻮﺕ ﺯﻳﻨﺐ ﺟﺎﺕ ﺭﺍﺟﻌﺔ .. ﻭﻫﻲ ﺗﻘﻮﻝ ﻳﺎﺳﻼﺍﺍﺍﺍﻡ ﺧﺎﻟﺘﻲ ﺯﻳﻨﺐ ﺟﺎﺕ . ؟ ..
ﻭﺟﺎﺕ ﺭﺍﺟﻌﺔ ﻭﺳﻠﻤﺖ ﻋﻠﻴﻬﺎ ﺑﻜﻞ ﻓﺮﺣﺔ .. ﻭﻣﺸﺖ ﺗﺴﺘﺨﻴﺮ ﻭﺟﺎﺕ ..
ﺯﻳﻨﺐ ﻗﺎﻟﺖ ﻟﻴﻬﺎ ﻟﻴﻬﺎ ﻳﺎﻧﻮﺭ ﻳﺎﺑﺘﻲ .. ﻣﺎﺗﺮﻓﻀﻲ ﻓﺨﺮﻱ ﻋﺎﻳﺰﻙ ﻭﻧﺤﻦ ﻋﺎﻳﺰﻧﻚ .. ﺧﻠﻲ ﺍﻟﻮﻟﺪ ﺩﻩ ﻗﻠﺒﻮ ﻳﻬﺪﺍ ﺷﻮﻳﺔ .. ﺍﻧﺎ ﺧﺎﻳﻔﺔ ﻋﻠﻴﻬﻮ ﻳﺠﻦ ﺗﺎﻧﻲ ..
ﺍﻟﺰﻭﻝ ﺩﻩ ﻳﻮﻣﻴﻦ ﻛﺎﻥ ﻣﻮ ﻭﺍﻋﻲ ﺑﻲ ﺳﺒﺒﻚ ..
ﻧﻮﺭ ﻗﺎﻟﺖ ﻟﻴﻬﻢ ( ﻭﺍﻧﺎ ﻣﻮﺍﻓﻘﺔ .. ﺑﺲ ﺑﻌﺪ ﺍﺧﻠﺺ ﺩﺭﺍﺳﺘﻲ )
ﺯﻳﻨﺐ ﻗﺎﻟﺖ ﻟﻴﻬﺎ ﺑﺲ ﻗﺒﻞ ﻣﺎ ﺗﻔﺮﺣﻲ ﻭﺗﻘﺮﺭﻱ ﻓﻲ ﻛﻼﻡ ﻣﻬﻢ ﺍﻧﺎ ﻋﺎﻳﺰﺓ ﺍﻗﻮﻟﻮ ﻟﻴﻜﻢ ﺍﻧﺘﻮ ﺍﻻﺗﻨﻴﻦ .. ﺍﻟﺠﻤﺎﻋﺔ ﻃﻠﻌﻮ .. ﻭﺧﻠﻮ ﻧﻮﺭ ﻭﻓﺨﺮﻱ ..
ﺯﻳﻨﺐ ﻗﺎﻟﺖ ﻟﻲ ﻧﻮﺭ ﻳﺎﻧﻮ ﻓﻲ ﻛﻼﻡ ﺑﺘﻌﻠﻖ ﺑﻲ ﻓﺨﺮﻱ .. ﺍﻧﺘﻲ ﻣﺎﺩﺍﻡ ﻭﺍﻓﻘﺘﻲ ﻋﻠﻲ ﺍﻻﺭﺗﺒﺎﻁ ﺑﻴﻬﻮ ..
ﻻﺯﻡ ﺗﻌﺮﻓﻲ ﺍﻟﻜﻼﻡ ﺩﻩ ﻻﻧﻮ ﺍﺣﺘﻤﺎﻝ ﻳﻜﻮﻥ ﺑﺎﻟﻨﺴﺒﺔ .. ﻣﺎﺍﻧﻊ ..
ﺍﻟﻰ ﺍﻟﻠﻘﺎﺀ
ﺍﻟﻤﺴﺆﻟﻴﺔ ..
ﺍﻟﺤﻠﻘﺔ 29 ..
ﺑﻘﻠﻢ ﻃﺎﺭﻕ ﺍﻟﻠﺒﻴﺐ ..
ﻃﺒﻌﺎ " ﻓﺨﺮﻱ ﻃﻴﺮ ﻋﻴﻨﻴﻬﻮ ﻣﻦ ﻣﻘﺪﻣﺔ ﺍﻟﻜﻼﻡ .. ﺍﻟﻌﺎﻳﺰﺓ ﺗﻘﻮﻭﻟﻮ ﺍﻣﻮ .. ﻧﻮﺭ ﻗﺎﻟﺖ ﻟﻴﻬﺎ ﺍﺗﻔﻀﻠﻲ ﻳﺎﺧﺎﻟﺘﻲ ﺯﻳﻨﺐ .. ﻗﺎﻟﺖ ﻟﻴﻬﺎ .. ﺍﻧﺎ ﻟﻤﻦ ﻛﻨﺖ ﺣﺎﻣﻞ ﺑﻲ ﺃﻭﻝ ﺣﻤﻞ ﻟﻲ ﻓﻲ ﺣﻴﺎﺗﻲ .. ﻭﻭﺩﻭﻧﻲ ﺍﻟﻤﺴﺘﺸﻔﻰ ﻭﻭﻟﺪﺕ .. ﺍﻧﺎ ﻓﻲ ﺍﻟﺒﻨﺞ ﺍﻟﻜﺎﻣﻞ ﻗﺎﻟﻮ ﺟﺒﺖ ﻭﻟﺪ ﻣﻴﺖ ..
ﻭﻛﺎﻥ ﻓﻲ ﻧﻔﺲ ﺍﻟﻴﻮﻡ ﻓﻲ ﻭﺍﺣﺪﺓ ﻫﺎﺭﺑﺔ ﻣﻦ ﺍﻟﻤﺴﺘﺸﻔﻰ ﻭﻣﺨﻠﻴﻪ ﺟﻨﺎﻫﺎ .. ﺍﻫﺎ ﺯﻭﺟﻲ ﺍﻟﻠﻪ ﻳﺮﺣﻤﻮ .. ﺟﺎﺏ ﻭﻟﺪ ﺍﻟﺒﺖ ﺍﻟﻬﺎﺭﺑﺔ ﻭﺧﺘﺎﻫﻮ ﻟﻲ .. ﻭﺷﺎﻟﻮ ﻭﻟﺪﻱ ﺍﻟﻤﻴﺖ ﻭﺩﻓﻨﻮﻩ .. ﻋﺸﺎﻥ ﻣﺎ ﺍﺗﺎﺛﺮ .. ﻭﻳﻜﻮﻥ ﺭﺑﻰ ﻟﻴﻬﻮ ﻃﻔﻞ ﺑﺮﺉ .. ﻭﺳﻤﻴﻨﺎﻫﻮ ﻓﺨﺮﻱ .. ﻭﺍﻧﺎ ﻣﺎﻛﻨﺖ ﻋﺎﺭﻓﺎﻫﻮ ﺍﻧﻮ ﻣﺎﻭﻟﺪﻱ .. ﺑﺲ ﻛﻠﻤﻨﻲ ﺭﺍﺟﻠﻲ ﻗﺒﻞ ﻣﺎﻳﺴﺎﻓﺮ ﺳﻔﺮﺗﻮ ﺍﻻﺧﻴﺮﺓ ﺍﻟﻤﺎﺕ ﻓﻴﻬﺎ .. ﺍﻟﺘﻘﻮﻝ ﺣﺎﺳﻲ ﺑﻲ ﻧﻔﺴﻮ ﺣﻴﻤﻮﺕ .. ﻋﺸﺎﻥ ﻛﺪﻱ ﻳﺎﻓﺨﺮﻱ ﻳﺎﻭﻟﺪﻱ .. ﺍﻧﺖ ﻣﺘﺮﺑﻲ ﻣﻌﺎﻱ .. ﺯﻱ ﻣﺎﻧﻮﺭ ﻣﺘﺮﺑﻴﺔ ﻣﻊ ﻣﺤﻤﺪ ﻭﻛﻮﺛﺮ ..
ﻓﺨﺮﻱ ﻗﺎﻝ ﻟﻴﻬﺎ .. ﻣﺎﻳﻬﻢ ﺍﻟﻮﻟﺪﻧﻲ ﻣﻨﻮ ﻣﺶ ﺍﻧﺘﻲ ﺍﻣﻲ ﺍﻟﺮﺑﻴﺘﻴﻨﻲ .. ﺍﻟﻤﻮﺿﻮﻉ ﻣﺎﻣﻬﻢ ﺑﺎﻟﻨﺴﺒﺔ ﻟﻲ .. ﻧﻮﺭ ﻗﺎﻟﺖ ﻟﻴﻬﺎ ﻭﺍﻧﺘﻴﻴﺎﺧﺎﻟﺘﻲ ﺯﻳﻨﺐ .. ﺭﺑﻨﺎ ﻳﺠﺰﻳﻚ ﺧﻴﺮ ﺍﺩﻳﺘﻴﻬﻮ ﺣﻨﺎﻥ ﺍﻻﻡ ..
ﻳﺎﺭﻳﺖ ﻟﻮ ﻛﻞ ﺍﻟﻨﺎﺱ ﺑﻜﻮﻧﻮ ﺯﻳﻚ ﻭﺯﻱ ﺍﻣﻲ ﻛﻮﺛﺮ .. ﻭﺍﻧﺎ ﻭﻓﺨﺮﻱ ﻣﺤﻈﻮﻇﻴﻦ ﺭﺑﻨﺎ ﻋﻮﺿﻨﺎ .. ﻋﻦ ﺍﻫﻠﻨﺎ .. ﺑﻲ ﺍﺑﺮﻙ ﻭﺍﺧﻴﺮ .. ﻳﺎﺣﺴﺮﺗﻲ ﻋﻠﻰ ﺑﻘﻴﺔ ﺍﻻﻳﺘﺎﻡ .. ﻭﻣﺠﻬﻮﻟﻲ ﺍﻟﻨﺴﺐ ﺍﻟﻤﺎﻟﻘﻴﻦ ﺍﻫﺘﻤﺎﻡ .. ﻭﻣﺎﻓﻲ ﺯﻭﻝ ﻳﺘﻜﻔﻞ ﺑﻴﻬﻢ .. ﻭﻣﺤﺮﻭﻣﻴﻦ ﻣﻦ ﺍﺑﺴﻂ ﺍﺣﻴﺎﺟﺎﺕ ﺍﻟﻄﻔﻞ ﺍﻟﻮﺟﺪﺍﻧﻴﺔ ..
ﻓﺨﺮﻱ ﻗﺎﻝ ﻟﻲ ﻧﻮﺭ .. ﻳﺎﻧﻮﺭ .. ﻧﺤﻦ ﻻﺯﻡ ﻧﺘﺰﻭﺝ ﻋﻤﺎ ﻗﺮﻳﺐ .. ﻭﺍﻧﺎ ﺑﻮﻋﺪﻙ ﺗﻜﻤﻠﻲ ﺗﻌﻠﻴﻤﻚ ﻭﺍﻧﺘﻲ ﻣﻌﺎﻱ .. ﻋﻠﻴﻴﻴﻴﻴﻴﻴﻴﻴﻚ ﺍﻟﻠﻪ ﻳﺎﻧﻮﺭ .. ﺍﻧﺎ ﻣﺎﺑﻘﺪﺭ ﺍﺻﺒﺮ ﻟﻐﺎﻳﺔ ﻣﺎ ﺗﺨﻠﺼﻲ .. ﺍﻣﻲ ﻏﻠﻴﻚ ﺍﻟﻠﻪ ﺍﺗﻜﻠﻤﻲ ﻣﻌﺎﻫﺎ .. ﻭﺍﻟﻜﻼﻡ ﺍﻟﻘﺎﻟﺘﻮ ﺍﻣﻮ ﺩﻩ ﻣﺎﻫﻤﺎﻫﻮ ﻧﻬﺎﺋﻲ ..
ﻧﻮﺭ ﻗﺎﻟﺖ ﻟﻴﻬﻮ ﺧﻼﺹ .. ﺍﻥ ﺷﺎﺀ ﺍﻟﻠﻪ ﻛﻠﻬﺎ ﺍﺭﺑﻌﺔ ﺷﻬﻮﺭ ﻭﺍﻻﻣﺘﺤﺎﻧﺎﺕ ﺗﻨﺘﻬﻲ .. ﻭﻧﺘﻢ ﺍﻟﻤﻮﺿﻮﻉ ﺍﻧﺖ ﺍﻃﻤﺌﻦ .. ﺑﺲ ﺍﻧﺖ ﻭﺩﻳﻨﻲ ﺍﺷﻮﻑ ﺍﻣﻲ .. ﺍﻟﻠﻪ ﻳﺨﻠﻴﻚ ﻳﺎﻓﺨﺮﻱ ..
ﻗﺎﻝ ﻟﻴﻬﺎ ﺍﺻﺒﺮﻱ ﻟﻲ ﻳﻮﻣﻴﻦ ﺗﻼﺗﺔ ﺑﺘﺸﻮﻓﻴﻬﺎ .. ﻗﺎﻟﺖ ﻟﻴﻬﻮ ﺣﺎﺿﺮ ﺍﻧﺎ ﺻﺎﺑﺮﺓ ﻣﺎﺩﺍﻡ ﺍﻣﻲ ﻣﻮﺟﻮﺩﺓ .. ﻭﺣﺄﻻﻗﻴﻬﺎ .. ﻣﺎﻓﻲ ﻓﺮﺡ ﺍﻛﺘﺮ ﻣﻦ ﻛﺪﺍ .. ﺗﺴﻠﻢ ﻟﻲ ﺍﻧﺖ ﻭﺭﺑﻨﺎ ﻳﺨﻠﻴﻚ ﻟﻲ ..
ﻭﺍﻟﻔﺮﺡ ﻓﻲ ﻗﻠﺐ ﻓﺨﺮﻱ ﻣﺎﻗﺎﺩﺭ ﻳﺤﺘﻤﻠﻮ .. ﻟﺪﺭﺟﺔ ﺍﻧﻮ ﻛﻼﻡ ﺍﻣﻮ ﺩﻩ ﻛﺎﻧﻬﺎ ﻣﺎﻗﺎﻟﺘﻮ .. ﻭﺣﺲ ﺑﻲ ﻣﻌﻨﻰ ﺟﺪﻳﺪ ﻟﻠﺤﻴﺎﺓ .. ﻟﻤﻦ ﻧﻮﺭ ﻭﻋﺪﺗﻮ ﺑﺴﺮﻋﺔ ﺍﻟﺰﻭﺍﺝ .. ﻭﺑﻘﻰ ﻳﻀﺮﺏ ﻟﻴﻬﺎ ﻃﻮﺍﻟﻲ ﺻﺒﺎﺡ .. ﻭﻣﺴﺎﺀ .. ﻭﻫﻲ ﺑﻘﺖ ﺗﺘﻨﻔﺲ ﺃﻛﺴﺠﻴﻦ ﺍﺳﻤﻮ ﻓﺨﺮﻱ .. ﻭﺧﻄﺒﻬﺎ ﺭﺳﻤﻲ ﻣﻦ ﻣﺤﻤﺪ ..
ﻭﺍﻻﻣﻮﺭ ﻣﺸﺖ ﺗﻤﺎﻡ ﺍﻟﺘﻤﺎﻡ ..
ﻓﻲ ﻳﻮﻡ ﺟﻤﻌﺔ ﻛﺪﺍ ﻧﻮﺭ ﻃﻠﺒﺖ ﻣﻦ ﺍﻣﻬﺎ . ﻃﻠﺐ ﻏﺮﻳﺐ . ﻗﺎﻟﺖ ﻟﻴﻬﺎ ﻳﺎ ﺍﻣﻲ ﺍﻧﺎ ﻋﺎﻳﺰﺓ ﺍﻣﺸﻲ ﻟﺪﺍﺭ ﺍﻟﺮﻋﺎﻳﺔ . ﻋﺎﻳﺰﺓ ﺍﺷﻮﻑ ﺍﻟﻤﻜﺎﻥ ﺍﻻﻧﺎ ﻣﺮﺗﺒﻄﺔ ﺑﻴﻬﻮ ﻭﺟﺪﺍﻧﻴﺎ .. ﺣﺎﺳﺔ ﺍﻧﻮ ﻋﻨﺪﻱ ﺍﺧﻮﺍﻥ ﻫﻨﺎﻙ ﺯﻱ ﺍﻟﺘﻮﻣﺎﺕ ﺩﻳﻞ ..
ﻭﻛﻮﺛﺮ ﻃﻮﺍﻟﻲ ﺭﺑﺖ ﻟﻴﻬﺎ ﺭﻏﺒﺘﻬﺎ ﻭﻣﺸﺖ ﻣﻌﺎﻫﺎ ﻫﻨﺎﻙ .. ﻧﻮﺭ ﻛﺎﻧﺖ ﻣﺘﺸﻮﻗﺔ ﻟﻠﻤﻜﺎﻥ . ﻭﻟﻤﻦ ﻭﺻﻠﺖ . ﻭﺷﺎﻓﺖ ﺍﻻﻃﻔﺎﻝ . ﻳﺎﺧﻲ ﻧﻮﺭ ﺩﻱ ﺑﻜﺖ ﺑﻜﺎ .. ﺍﺗﻔﻨﺖ ﻓﻲ ﺍﻟﻮﺍﻃﺔ ﻭﺑﻘﺖ ﺗﺠﻌﺮ .. ﺯﻱ ﺍﻟﻤﻴﺖ ﻟﻴﻬﺎ ﺯﻭﻝ .. ﻭﺗﻌﺎﻳﻦ ﻟﻠﺒﻨﺎﺕ ﺍﻟﺼﻐﺎﺭ ﻭﺍﻻﻃﻔﺎﻝ ﺍﻟﻴﺎﺩﻭﺏ ﺑﺤﺒﻮ ﻭﺗﻨﻔﻘﻊ ﺑﺎﻟﺒﻜﺎﺀ .. ﻓﻲ ﻣﺸﻬﺪ ﺍﻟﺰﻭﻝ ﻣﺎﻳﺴﺘﺤﻤﻞ ﺣﺘﻰ ﻳﻮﺻﻔﻪ .. ﻭﺭﺟﻌﺖ ﻣﻦ ﻫﻨﺎﻙ ﺟﺰﻳﻨﺔ ﻭ ﻃﻮﻝ ﺍﻟﻴﻮﻡ ﺗﺒﻜﻲ ﻭﺍﻻﻛﻞ ﻣﺎ ﻗﺎﺩﺭﺓ ﺗﺒﻠﻌﻮ ..
ﻳﻮﻡ ﻣﻦ ﺍﻻﻳﺎﻡ ﻧﻮﺭ ﺍﺗﺼﻞ ﻋﻠﻴﻬﺎ ﻓﺨﺮﻱ ﻟﻘﺎﻫﺎ ﺑﺘﺒﻜﻲ .. ﻗﺎﻝ ﻟﻴﻬﺎ ﻣﺎﻟﻚ ﻳﺎﺣﺒﻲ ..
ﻗﺎﻟﺘﻠﻴﻬﻮ ﻳﺎﻓﺨﺮﻱ ﻣﺎﻋﺮﻓﺖ ﺍﻱ ﺧﺒﺮ ﻋﻦ ﺍﺑﻮﻱ ﺍﻟﺤﻘﻴﻘﻲ ﺑﻜﻮﻥ ﻣﻨﻮ؟ ..
ﻗﺎﻝ ﻟﻴﻬﺎ ﻟﻤﻦ ﺗﻼﻗﻲ ﺍﻣﻚ ﺍﺳﺄﻟﻴﻬﺎ ..
ﻭﻓﺨﺮﻱ ﺍﺗﻤﻨﻰ ﺍﻧﻮ ﻳﺤﻘﻖ ﻟﻨﻮﺭ ﺭﻏﺒﺘﻬﺎ .. ﻭﻳﻼﻗﻲ ﺍﺑﻮﻫﺎ ﻭﺗﺘﺎﻛﺪ ﺍﻧﻬﺎ ﻧﺎﺗﺠﺔ ﻋﻦ ﺯﻭﺍﺝ ﺷﺮﻋﻲ ..
ﺑﺲ ﺍﻻﻣﻞ ﻣﻔﻘﻮﺩ .. ﻻﻧﻮ ﺍﻟﺮﺍﺟﻞ ﻛﻞ ﺍﻟﺪﻻﻳﻞ ﺑﺘﺜﺒﺖ ﺍﻧﻮ ﻣﻴﺖ ..
ﺍﻫﺎ ﻓﺨﺮﻱ ﺑﻔﻜﺮ ﻓﻲ ﺍﻟﻤﻮﺿﻮﻉ .. ﻧﻄﺖ ﻟﻴﻬﻮ ﻓﻜﺮﺓ ﻓﻲ ﺭﺍﺳﻮ .. ﻣﺸﻰ ﻟﺼﺎﺣﺒﻮ ﺧﺎﻟﺪ ﻭﺩ ﺍﻟﻀﺎﺑﻂ ﺍﻟﻔﻲ ﺑﺮﻱ ﻓﻲ ﺍﻟﺒﻴﺖ ..
ﻭﻟﻘﻰ ﺍﺑﻮﻫﻮ ﺍﻟﻀﺎﺑﻂ ﻣﻮﺟﻮﺩ ﻓﻲ ﺍﻟﺒﻴﺖ .. ﻭﺷﻜﺮﻭ ﻋﻠﻰ ﺍﻟﺨﺪﻣﺔ ﺍﻟﻘﺪﻣﻬﺎ ﻟﻴﻬﻮ .. ﻭﺣﻜﺎ ﻟﻴﻬﻮ ﺍﻟﻘﺼﺔ ﺑﺘﺎﻋﺔ ﻧﻮﺭ ﻣﻦ ﺍﻭﻟﻬﺎ ﺍﻟﻰ ﺍﺧﺮﻫﺎ ..
ﺍﻟﻀﺎﺑﻂ ﻗﺎﻝ ﻟﻴﻬﻮ ﺍﻧﺎ ﻣﻤﻜﻦ ﺍﻟﻘﻰ ﻣﻌﻠﻮﻣﺔ ﻣﺆﻛﺪﺓ ﺍﻛﺘﺮ ﻭﺗﻄﻤﺌﻦ .. ﻋﻦ ﺍﻟﻀﺎﺑﻂ ﻋﺒﺪ ﺍﻟﺮﺣﻤﻦ .. ﺗﻌﺎﻝ ﻟﻴﻨﺎ ﺑﻜﺮﺓ ﺍﻟﻤﺴﺎﺀ .. ﻭﻓﻌﻼ ﻓﺨﺮﻱ ﺑﻜﺮﺓ ﺟﺎﻫﻢ .. ﺍﻟﻀﺎﺑﻂ ﺍﺑﻮﺧﺎﻟﺪ .. ﻗﺎﻝ ﻟﻴﻬﻮ ﺍﺻﺒﺮ .. ﺍﻧﺎ ﺳﺄﻟﺖ ﻋﻦ ﺍﻟﻀﺒﺎﻁ ﺍﻟﻜﺎﻧﻮ ﻓﻲ ﻛﺘﻴﺒﺔ ﻋﺒﺪﺍﻟﺮﺣﻤﻦ .. ﻭﺍﺗﺤﺼﻠﺖ ﻋﻠﻰ ﻭﺍﺣﺪ .. ﻭﻭﻋﺪﻧﻲ ﻳﺠﻴﻨﻲ ﻫﺴﻲ ..
ﻭﻫﻮ ﻛﺎﻥ ﻟﺼﻴﻖ ﺑﻌﺒﺪ ﺍﻟﺮﺣﻤﻦ .. ﻓﻌﻼ ﺑﻌﺪ ﻣﺴﺎﻓﺔ ﺟﺎﺀ ﺍﻟﻀﺎﺑﻂ ﺯﻣﻴﻞ ﻋﺒﺪ ﺍﻟﺮﺣﻤﻦ ﻭﻟﻤﻦ ﺣﻜﻮ ﻟﻴﻬﻮ ﺍﻟﻘﺼﺔ ..
ﻗﺎﻝ ﻟﻴﻬﻢ ﺍﻧﺎ ﻃﺒﻌﺎ " .. ﻃﻠﻌﺖ ﺍﻟﺼﺎﻟﺢ ﺍﻟﻌﺎﻡ ﺑﻌﺪ ﺧﻤﺲ ﺳﻨﻮﺍﺕ ﻣﻦ ﺍﻟﻌﻤﻠﻴﺔ ﺩﻱ .. ﺑﺲ ﻋﺒﺪ ﺍﻟﺮﺣﻤﻦ ﻣﺎ ﻗﺘـﻞ . ﻋﺒﺪ ﺍﻟﺮﺣﻤﻦ ﺍﺗﻀﺮﺏ ﻓﻲ ﺭﺟﻠﻪ ﻭﻛﺘﻔﻪ .. ﻭﻛﺎﻥ ﻣﺘﺄﺫﻱ ﺷﺪﻳﺪ .. ﻧﺤﻦ ﺍﺧﺮ ﺣﺎﺟﺔ ﺳﻠﻤﻨﺎﻫﻮ ﻻﺧﻮﻩ .. ﻓﻲ ﻛﺎﺩﻭﻗﻠﻲ .. ﺍﺧﻮﻩ ﻛﺎﻥ ﻣﺎ ﺍﺧﺎﻑ ﺍﻟﻜﻀﺐ .. ﺍﺳﻤﻮ ﻋﺒﺪ ﺍﻟﺤﻲ ..
ﻃﺒﻌﺎ " ﺩﻩ ﻧﻔﺲ ﺍﺧﻮ ﻋﺒﺪ ﺍﻟﺮﺣﻤﻦ ﺍﻟﻘﺎﻝ ﻟﻔﺨﺮﻱ ..
ﺷﺎﺷﻮﻗﺔ ﻛﺬﺍﺑﺔ .. ﺍﻟﻠﻬﻮ ﻓﻲ ﺍﻟﺼﻮﺭﺓ ﻣﻊ ﻋﺒﺪ ﺍﻟﺮﺣﻤﻦ .. ﺩﻩ ﺯﻭﻝ ﻣﺠﺮﻡ ﻭﻋﺪﻳﻢ ﺿﻤﻴﺮ ﺑﻮﺭﻳﻜﻢ ﻗﺼﺘﺔ ﻟﻲ ﻗﺪﺍﻡ ..
ﺍﻟﻤﻬﻢ ﺍﻟﻀﺎﺑﻂ ﻗﺎﻝ ﻟﻔﺨﺮﻱ .. ﻧﺤﻦ ﺳﻠﻤﻨﺎﻫﻮ ﻟﻲ ﺍﺧﻮﻫﻮ ﺑﻌﺪ ﺭﺟﻮﻉ ﺍﻟﻤﺘﺤﺮﻙ .. ﻻﻧﻮ ﻛﺎﻧﺖ ﺣﺎﻟﺘﻮ ﺍﻟﺼﺤﻴﺔ ﻣﺘﺪﻫﻮﺭﺓ .. ﻭﺧﺎﺷﻲ ﻓﻲ ﻏﻴﺒﻮﺑﺔ ..
ﺍﻟﻀﺎﺑﻂ ﺍﺑﻮ ﺧﺎﻟﺪ : ﻗﺎﻝ ﻟﻴﻬﻮ .. ﺑﺲ ﺍﻟﺰﻭﻝ ﺩﻩ ﻓﻲ ﺳﺠﻼﺕ ﺍﻟﺠﻴﺶ ﻣﻴﺖ .. ﻭﺣﺘﻰ ﺣﻘﻮﻗﻮ ﻣﺴﺤﻮﺑﺔ ﺑﺎﻟﻜﺎﻣﻞ ..
ﻗﺎﻝ ﻟﻴﻬﻮ ﺍﻻ ﻳﻜﻮﻥ ﻣﺎﺕ ﺑﻌﺪ ﺩﺍﻙ .. ﻟﻜﻦ ﻧﺤﻦ ﺳﻠﻤﻨﺎﻫﻮ ﻟﻴﻬﻮ ﺣﻲ .. ﺍﻳﻮﺓ ﻣﺘﻌﻮﻕ ﺷﺪﻳﺪ .. ﻭﻣﻔﻴﺐ .. ﺑﺲ ﺣﻲ .. ﺣﺘﻰ ﺍﺳﺘﻠﻤﻮ ﻓﻲ ﻣﺴﺘﺸﻔﻰ ﺍﻟﺸﺮﻃﺔ ﺑﻜﺎﺩﻭﻗﻠﻲ ..
ﻓﺨﺮﻱ ﺍﺧﺪ ﺍﻟﻤﻌﻠﻮﻣﺔ ﺍﻟﻤﻔﻴﺪﺓ .. ﻭﻃﻠﻊ ﻃﻮﺍﻟﻲ ﻣﺸﻰ ﺍﻟﺤﻠﺔ ﺍﻟﺠﺪﻳﺪﺓ .. ﻋﻨﺪﻩ ﺻﺎﺣﺒﻮ ﻣﻦ ﻛﺎﺩﻭﻗﻠﻲ .. ﺍﺳﻤﺔ ﻫﺎﺭﻭﻥ ﺑﺸﻴﺮ .. ﻃﻠﺐ ﻣﻨﻪ ﻳﻤﺸﻲ ﻣﻌﺎﻫﻮ ﻛﺎﺩﻭﻗﻠﻲ .. ﻫﺎﺭﻭﻥ ﻗﺎﻝ ﻟﻴﻬﻮ
ﻣﺎﺷﻲ ﻟﺸﻨﻮ؟ .. ﺣﻜﺎ ﻟﻴﻬﻮ ﺍﻟﻘﺼﺔ ﺑﺘﺎﻋﺔ ﻧﻮﺭ ﻭﺷﺎﺷﻮﻗﺔ .. ﻟﻤﻦ ﻗﺎﻝ ﻟﻴﻬﻮ ( ﺷﺎﺷﻮﻗﺔ ) !!..
ﻫﺎﺭﻭﻥ ﻗﺎﻝ ﻟﻴﻬﻮ ﻗﻠﺖ ﻣﻨﻮ؟؟؟
ﺍﻧﺖ ﻗﻠﺖ ﺷﺎﺷﻮﻗﺔ؟؟ .. ﻓﺨﺮﻱ ﻗﺎﻝ ﻟﻴﻬﻮ ﻧﻌﻢ ..
ﻫﺎﺭﻭﻥ ﻗﺎﻝ ﻟﻴﻬﻮ .. ﺯﻭﻟﻚ ﺍﻟﻜﺎﻳﺲ ﻟﻴﻬﻮ ﺩﻩ ﺍﻧﺎ ﺑﻌﺮﻓﻮ .. ﻭﺣﻲ ﻳﺮﺯﻕ .. ﺑﺲ ﻣﺨﻮ ﻣﺎﺗﻤﺎﻡ ..
ﻋﺎﺭﻑ ﻓﻲ ﻭﺍﺣﺪ ﺳﺎﻛﻦ ﻣﻊ ﻧﺎﺱ .. ﺟﻴﺮﺍﻥ ﻋﻤﻲ ﻓﻲ ﻛﺎﺩﻭﻗﻠﻲ .. ﻧﺤﻦ ﻣﻦ ﻓﺘﺤﻨﺎ ﻟﻘﻴﻨﺎﻫﻮ ﻣﻌﺎﻫﻢ ﻣﻊ ﺍﻧﻮ ﻗﺎﻟﻮ ﻣﺎﺑﺒﻘﺎ ﻟﻴﻬﻢ .. ﺯﻭﻝ ﺳﺎﻛﺖ ﺳﺎﻛﺖ ﻛﻞ ﺍﻟﻮﻛﺖ .. ﻭﺣﺎﻳﻢ ﺑﺎﻟﺸﻮﺍﺭﻉ .. ﻭﻣﺸﻬﻮﺭ ﺍﻟﺴﻮﻕ ﻛﻠﻪ ﺑﻌﺮﻓﻮ .. ﻭﻟﻤﻦ ﺗﻘﻮﻝ ﻟﻴﻬﻮ ﺍﻧﺖ ﻣﻨﻮ؟ .. ﻳﻘﻮﻝ ﻟﻴﻚ ﺍﻧﺎ ﺣﺒﻴﺐ ﺷﺎﺷﻮﻗﺔ .. ﻭﻧﺤﻦ ﻛﻨﺎ ﻗﺎﻳﻠﻴﻦ ﺷﺎﺷﻮﻗﺔ ﺩﻱ ﺍﻟﺠﻨﻴﺔ ﺑﺘﺎﻋﺘﻮ ..
ﻓﺨﺮﻱ ﻗﺎﻝ ﻟﻴﻬﻮ ﻳﺎﺳﻼﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻡ .. ﻳﺎﺧﻲ ﺍﻟﻠﻪ ﻳﻨﺼﺮ ﺩﻳﻨﻚ ﻳﺎﻫﺎﺭﻭﻥ .. ﻭﺍﻟﻠﻪ ﺍﻟﻠﻴﻠﺔ ﻓﺮﺣﺘﻨﻲ ﻓﺮﺣﺔ ..
ﻫﺎﺭﻭﻥ ﻗﺎﻝ ﻟﻴﻬﻮ .. ﻻﻭﻝ ﻣﺮﺓ ﺣﺄﻋﻤﻞ ﻟﻲ ﺣﺎﺟﺔ ﺍﺣﺴﻦ ﺑﺎﻧﻲ ﺑﺴﺘﺤﻖ ﺍﻟﺜﻨﺎﺀ ..
ﻳﻼ ﻛﻠﻬﺎ ﺗﻼﺗﺔ ﻳﻮﻡ ﻭﺟﻬﺰ ﻧﻔﺴﻚ ﻭﻧﺴﺎﻓﺮ ﻛﺎﺩﻗﻠﻲ ..
ﻭﻓﻌﻼ ﺑﻌﺪ ﺗﻼﺗﺔ ﻳﻮﻡ ﺳﺎﻓﺮﻭﺍ ﻛﺎﺩﻭﻗﻠﻲ .. ﺍﺗﺨﻴﻠﻴﻮ .. ﻟﻤﻦ ﻓﺨﺮﻱ ﻻﻗﻰ ﻋﺒﺪ ﺍﻟﺮﺣﻤﻦ .. ﻟﻘﺎﻫﻮ ﻗﺎﻋﺪ ﻓﻲ ﺍﻟﺸﺎﺭﻉ ﻓﻲ ﺿﻞ .. ﻭﺑﺘﻜﻠﻢ ﻣﻊ ﺭﻭﺣﻮ ..
ﺑﻘﻮﻝ ﻟﺮﻭﺣﻮ . ﺍﻧﺖ ﻳﺎﻋﺒﺪ ﺍﻟﺮﺣﻤﻦ .. ﺍﺻﺒﺮ .. ﻭﺧﻠﻴﻚ ﻭﺍﺛﻖ ﻣﻦ ﺍﻟﻠﻪ .. ﺑﺠﻲ ﺯﻭﻝ ﻳﻮﻡ ﻭﻳﻮﺭﻳﻚ ﺍﻧﺖ ﻣﻨﻮ؟ ﻭﺍﺑﻮﻙ ﻣﻨﻮ؟ .. ﻭﻳﻮﺻﻠﻚ ﻟﺸﺎﺷﻮﻗﺔ .. ﻭﺍﻟﻠﻪ ﺑﺠﻲ ﺯﻭﻝ ﻳﺎﻋﺒﺪ ﺍﻟﺮﺣﻤﻦ ﻣﺎﺗﺒﻜﻲ ..
ﻃﺒﻌﺎ ﻟﻮ ﺑﺘﺘﺬﻛﺮﻭ ﺍﻟﺤﺮﻛﺔ ﺩﻱ .. ﺣﺮﻛﺔ ﺍﻟﺰﻭﻝ ﺍﻟﺒﺼﺒﺮ ﺭﻭﺣﻮ ﺑﻲ ﺭﻭﺣﻮ .. ﻋﻨﺪ ﻣﻨﻮ؟؟؟؟؟؟؟
ﺍﻫﺎ ﻓﺨﺮﻱ ﺟﺎﻫﻮ ﻭﻗﻌﺪ ﺟﻤﺒﻮ .. ﻃﺒﻌﺎ ﻋﺮﻓﻮ ﻃﻮﺍﻟﻲ ﻻﻧﻮ ﺷﺎﻳﻞ ﺍﻟﺼﻮﺭﺓ ﻣﻌﺎﻫﻮ .. ﻣﻊ ﺍﻧﻬﺎ ﻣﺮﺕ ﻋﺸﺮﻳﻦ ﺳﻨﺔ .. ﻟﻜﻦ ﻣﻼﻣﺢ ﻋﺒﺪ ﺍﻟﺮﺣﻤﻦ ﻣﺎ ﺍﺗﻐﻴﺮﺕ ..
ﻋﺒﺪ ﺍﻟﺮﺣﻤﻦ ﻗﺎﻝ ﻟﻴﻬﻮ .. ﺍﻧﺖ ﻣﻨﻮ .. ؟ ﻗﺎﻝ ﻟﻴﻬﻮ ﺍﻧﺎ ﺍﺳﻤﻲ ﻓﺨﺮﻱ .. ﺍﻫﺎ ﻋﺒﺪ ﺍﻟﺮﺣﻤﻦ ﻟﻤﻦ ﺣﺲ ﺑﺎﻧﻮ ﺍﻟﺰﻭﻝ ﻣﻬﺘﻢ ﺑﻴﻬﻮ .. ﻗﺎﻝ ﻟﻴﻬﻮ ﻋﻠﻴﻚ ﺍﻟﻠﻪ ﻳﺎﻓﺨﺮﻱ ﻭﺩﻳﻨﻲ ﻟﺸﺎﺷﻮﻗﺔ .. ﻣﺎﺗﻘﻮﻟﻲ ﺷﺎﺷﻮﻗﺔ ﻣﻨﻮ ؟ .. ﺍﻱ ﺯﻭﻝ ﺑﻘﻮﻝ ﻟﻴﻬﻮ ﻭﺩﻳﻨﻲ ﻟﺸﺎﺷﻮﻗﺔ .. ﻳﻘﻮﻝ ﻟﻲ ﺷﺎﺷﻮﻗﺔ ﻣﻨﻮ ؟؟ .. ﺍﻧﺎ ﻣﺎﻋﺎﺭﻑ ﺷﺎﺷﻮﻗﺔ ﻣﻨﻮ .. ﺑﺲ ﻋﺎﺭﻑ ﺍﻧﻮ ﺍﻧﺎ ﻋﺒﺪ ﺍﻟﺮﺣﻤﻦ ﺣﺒﻴﺐ ﺷﺎﺷﻮﻗﺔ ..
.. ﻓﺨﺮﻱ ﺑﻜﻰ ﺑﻜﻰ .. ﻭﻗﺎﻝ ﻟﻴﻬﻮ ﺣﺎﺿﺮ ﺣﺎﻭﺩﻳﻚ ﻟﺸﺎﺷﻮﻗﺔ ﻭﺍﻟﻠﻪ .. ﻭﺳﺎﻗﻮ ﻣﺸﻰ ﻟﻨﺎﺱ ﺍﻟﺒﻴﺖ ﺍﻟﻬﻮ ﻗﺎﻋﺪ ﻣﻌﺎﻫﻢ ..
ﻗﺎﻟﻮ ﻟﻴﻬﻮ ﺍﻟﺰﻭﻝ ﺩﻩ ﻧﺤﻦ ﻣﺎﻋﺎﺭﻓﻴﻦ ﺍﻫﻠﻮ ﻭﻳﻦ .. ﻭﻻﻋﺎﺭﻓﻴﻦ ﻋﻨﻪ ﺍﻱ ﺣﺎﺟﺔ .. ﺟﺎﺑﻮ ﻟﻴﻨﺎ ﺍﺧﻮﻫﻮ .. ﻗﺒﻞ ﻋﺸﺮﻳﻦ ﺳﻨﺔ .. ﻭﺩﻓﻊ ﻟﻴﻨﺎ ﻗﺮﻭﺵ ﻛﺘﻴﺮﺓ .. ﻭﻗﺎﻝ ﻟﻴﻨﺎ ﺍﻟﺰﻭﻝ ﺩﻩ ﻳﻘﻌﺪ ﻣﻌﺎﻛﻢ .. ﻭﻻﻳﺘﻌﺎﻟﺞ ﻭﻻﻳﻤﺮﻕ ﻣﻦ ﻛﺎﺩﻭﻗﻠﻲ .. ﻭﻧﺤﻦ ﻋﻠﻰ ﺣﺴﺐ ﺣﻮﺟﺘﻨﺎ .. ﻗﺒﻠﻨﺎ ﺑﺎﻟﻌﺮﺽ .. ﻭﺍﻟﺰﻭﻝ ﺩﻩ ﻗﺎﻋﺪ ﻣﻌﺎﻧﺎ .. ﺯﻭﻝ ﻃﻴﺐ ﻭﻣﺴﺎﻟﻢ ﻭﺍﻻﺭﺑﻌﺔ ﻭﻋﺸﺮﻳﻦ ﺳﺎﻋﺔ ﺑﺘﻜﻠﻢ ﺑﺮﺍﻫﻮ .. ﻭﻋﻦ ﺍﻟﺠﻨﻴﺔ ﺍﻻﺳﻤﻬﺎ ﺷﺎﺷﻮﻗﺔ ﺩﻱ ..
ﻓﺨﺮﻱ ﻗﺎﻝ ﻟﻴﻬﻮ ﺷﺎﺷﻮﻗﺔ ﻣﺎﺟﻨﻴﺔ .. ﺷﺎﺷﻮﻗﺔ ﻣﺮﺗﻮ ..
ﺩﻩ ﺭﺍﺟﻞ ﺿﺎﺑﻂ ﻓﻲ ﺍﻟﺠﻴﺶ ﺟﺎﺭ ﺑﻴﻬﻮ ﺍﻟﺰﻣﻦ .. ﻭﺍﺧﻮﻫﻮ ﻏﺪﺭ ﺑﻴﻬﻮ .. ﻧﺴﺄﻝ ﺍﻟﻠﻪ ﺍﻟﺴﻼﻣﺔ .. ﻭﻓﺨﺮﻱ ﻭﻫﺎﺭﻭﻥ ﺍﺧﺪﻭﻫﻮ ﻃﻮﺍﻟﻲ ﻋﻠﻰ ﺍﻟﻤﺴﺘﺸﻔﻲ ﻓﻲ ﻛﺎﺩﻗﻠﻲ ..
ﻭﻓﺤﻮﺻﺎﺕ .. ﻭﺗﺤﺎﻟﻴﻞ .. ﻭﺻﻮﺭ .. ﻭﻇﻬﺮ ﺍﻧﻮ ﻋﻨﺪﻭ ﻭﺭﻡ ﻗﺪﻳﻢ ﻓﻲ ﻣﺆﺧﺮﺓ ﺍﻟﺮﺍﺱ .. ﻣﺄﺛﺮ ﻋﻠﻰ ﺍﻟﺬﺍﻛﺮﺓ ﻭﻣﺤﺘﺎﺝ ﻟﻌﻤﻠﻴﺔ ..
ﻭﺑﺎﺧﺘﺼﺎﺭ ﺳﺎﻗﻮﻫﻮ ﻭ ﺳﺎﻓﺮﻭﺍ ﻋﻠﻰ ﺍﻟﺨﺮﻃﻮﻡ ..
ﻭﺍﻭﻝ ﺣﺎﺟﺔ ﻧﺰﻟﻮ ﺑﻴﻬﻮ ﻓﻲ ﺍﻟﻤﺴﺘﺸﻔﻰ .. ﻭﺣﺠﺰﻭ ﻟﻴﻬﻮ ﻟﻠﻌﻤﻠﻴﺔ .. ﻭﻧﺰﻟﻮﻫﻮ ﻓﻲ ﺑﻴﺖ ﻫﺎﺭﻭﻥ ﻓﻲ ﺍﻟﺤﻠﺔ ﺍﻟﺠﺪﻳﺪﺓ ..
ﻭﻓﺨﺮﻱ ﻣﺘﻮﺍﺻﻞ ﻣﻊ ﻓﺎﻃﻤﺔ ﻭﻫﻲ ﻛﺎﻧﻤﺔ ﺳﺮﻭ .. ﻭﻗﺎﻝ ﻟﻴﻬﺎ ﺑﻤﺠﺮﺩ ﺍﻟﺰﻭﻝ ﺩﻩ ﺗﺮﺟﻊ ﻟﻴﻬﻮ ﺯﺍﻛﺮﺗﻮ .. ﺑﻨﻌﺮﻑ .. ﻫﻞ ﻧﻮﺭ ﺩﻩ ﺍﺑﻮﻫﺎ .. ﻭﻻ ﻧﺤﻦ ﺗﻌﺒﻨﺎ ﺭﺍﺡ ﻓﻲ ﺍﻟﻔﺎﺿﻲ ..
ﻳﺎﺭﺏ ﻳﻄﻠﻊ ﺍﺑﻮﻫﺎ ﻓﻌﻼ ﻋﺸﺎﻥ ﺍﻧﺎ ﺍﻛﻮﻥ ﻗﺪﻣﺖ ﻟﻨﻮﺭ ﺣﻴﺎﺓ ﻧﻔﺴﻴﺔ ﺟﺪﻳﺪﺓ ..
ﻭﺩﻓﻊ ﻗﺮﻭﺵ ﺍﻟﻌﻤﻠﻴﺔ .. ﺑﺲ ﻳﻮﻡ ﺍﻟﻌﻤﻠﻴﺔ ﻣﻦ ﺍﻟﺼﺒﺎﺡ .. ﻓﻲ ﻣﺸﻜﻠﺔ ﻛﺒﻴﺮﺓ ﻭﺍﺟﻬﺖ ﻓﺨﺮﻱ .. ﻣﺎﻗﺪﺭ ﻳﺘﺼﺮﻑ ﻓﻴﻬﺎ .. ﺍﻟﻰ ﺍﻟﻠﻘﺎﺀﺍﻟﻤﺴﺆﻭﻟﻴﻪ ..
ﺍﻟﺤﻠﻘﺔ ﺍﻻﺧﻴﺮﺓ
ﺗﺴﺎﻭﻱ ﺣﻠﻘﺘﻴﻦ
ﺑﻘﻠﻢ ﻃﺎﺭﻕ ﺍﻟﻠﺒﻴﺐ .
ﺍﻟﻤﺸﻜﻠﺔ ﺍﻟﻘﺎﺑﻠﺖ ﻓﺨﺮﻱ ﻫﻲ .. ﺍﻧﻮ ﺍﻟﻮﺭﻡ ﺍﻟﻤﻮﺟﻮﺩ ﻓﻲ ﺭﺍﺱ ﻋﺒﺪ ﺍﻟﺮﺣﻤﻦ ﻣﺘﺤﺠﺮ .. ﻭﺍﻟﻌﻤﻠﻴﺔ ﻓﻴﻬﺎ ﺧﻄﻮﺭﺓ ﻋﻠﻰ ﺣﻴﺎﺗﻮ .. ﻭﻣﺤﺘﺎﺟﻴﻦ ﺯﻭﻝ ﻣﻦ ﺍﻭﻟﻴﺎﺀ ﺍﻣﺮﻩ .. ﻳﺴﺘﺤﻤﻞ ﺍﻟﻤﺴﺆﻟﻴﺔ .. ﻓﺨﺮﻱ ﻃﺒﻌﺎ " ﺧﺎﻑ ﺷﺪﻳﺪ ﻋﻠﻰ ﺍﻟﺤﺎﺝ .. ﻭﻧﺴﻴﺐ ﺍﻟﻤﺴﺘﻘﺒﻞ .. ﻭﻣﺎﻓﻲ ﻃﺮﻳﻘﺔ ﻳﻤﺸﻲ ﻻﻫﻠﻪ .. ﻗﺪﺭ ﻣﺎﺣﺎﻭﻝ ﻣﻌﺎﻫﻢ ﻋﺸﺎﻥ ﻳﻘﺒﻠﻮ .. ﺍﻧﻮ ﻫﻮ ﻳﺴﺘﺤﻤﻞ ﺍﻟﻤﺴﺆﻟﻴﺔ ﺭﻓﻀﻮ .. ﻓﻲ ﺍﻟﻨﻬﺎﻳﺔ ﺍﺗﻮﻛﻞ ﻋﻠﻰ ﺍﻟﻠﻪ .. ﻭﻭﺩﺍﻫﻮ ﺍﻟﺴﻼﺡ ﺍﻟﻄﺒﻲ .. ﻭﻣﻦ ﻫﻨﺎﻙ ﺍﺗﺼﻞ ﻋﻠﻰ ﺍﺑﻮﺧﺎﻟﺪ .. ﻭﺍﻟﻌﻤﻠﻴﺔ ﺍﺗﻌﻤﻠﺖ ﻓﻲ ﻧﻔﺲ ﺍﻟﻴﻮﻡ .. ﻋﻠﻰ ﺣﺴﺎﺏ ﺍﻟﻘﻮﺍﺕ ﺍﻟﻤﺴﻠﺤﺔ .. ﻭﺍﺑﻮﺧﺎﻟﺪ .. ﺍﺛﺒﺖ ﻟﻠﺠﻬﺎﺕ ﺍﻟﻤﺨﺘﺼﺔ . ﺍﻧﻮ ﺷﻬﺎﺩﺓ ﺍﻟﻮﻓﺎﺓ ﻛﺎﻧﺖ ﻣﺰﻭﺭﺓ .. ﻭﺍﻟﻘﻀﻴﺔ ﺑﻘﺖ ﻗﻀﻴﺔ ﺟﻨﺎﺋﻴﺔ .. ﺍﻟﻘﻮﺍﺕ ﺍﻟﻤﺴﻠﺤﺔ ﺿﺪ ﻋﺒﺪ ﺍﻟﺤﻲ .. ﻭﺍﻟﺠﻴﺶ ﺍﺗﻜﻔﻞ ﺑﻜﻞ ﺍﻟﻌﻼﺟﺎﺕ ..
ﻛﻠﻬﺎ 48 ﺳﺎﻋﺔ ﻋﺒﺪ ﺍﻟﺮﺣﻤﻦ ﺭﺟﻊ ﻟﻲ ﻭﻋﻴﻪ .. ﻭﺑﺪﺃ ﻳﺠﻤﻊ ﻓﻲ ﻣﻌﻠﻮﻣﺎﺗﻮ .. ﺩﺧﻠﻮ ﻋﻠﻴﻬﻮ ﺍﻻﺭﺑﻊ .. ﻓﺨﺮﻱ ﻭﻫﺎﺭﻭﻥ . ﻭﺍﺑﻮﺧﺎﻟﺪ ﻭﺯﻣﻴﻠﻮ ﺍﻟﻔﻲ ﺍﻟﺼﺎﻟﺢ ﺍﻟﻌﺎﻡ .. ﻣﺎﻋﺮﻑ ﺯﻭﻝ ﻣﻨﻬﻢ ﻏﻴﺮ ﺯﻣﻴﻠﻮ ﻭﺳﻠﻢ ﻋﻠﻴﻬﻢ ﺟﻤﻴﻌﺎ .. ﻭﻗﺎﻝ ﻟﻴﻬﻢ ﺍﺣﻜﻮ ﻟﻲ ﻳﺎﺟﻤﺎﻋﺔ .. ﺍﺣﻜﻮ ﻟﻲ ﺍﻧﺎ ﻣﺎﻟﻲ .. ﻭﺍﻟﺤﺼﻞ ﺷﻨﻮ .. ؟
ﻓﺨﺮﻱ ﺣﻜﺎ ﻟﻴﻬﻮ ﻛﻞ ﺍﻟﺤﺎﺻﻞ .. ﻭﻳﺎﻟﺘﻔﺼﻴﻞ ﺍﻟﺤﺼﻞ ﻓﻲ . ﺍﻟﻌﺸﺮﻳﻦ ﺳﻨﻪ ﺍﻟﻔﺎﺗﺖ .. ﺍﻟﺰﻭﻝ ﺩﻩ ﻗﻌﺪ ﻳﺒﻜﻲ ﺯﻱ ﺍﻟﺸﺎﻓﻊ .. ﻭﺃﻭﻝ ﻛﻠﻤﺔ ﻗﺎﻝ ﻟﻴﻬﻢ .. ﻳﺎﺣﻠﻴﻼ ﺷﺎﺷﻮﻗﺔ .. ﻋﻠﻴﻚ ﺍﻟﻠﻪ ﺍﻧﺎ ﻋﻨﺪﻱ ﺑﻨﺖ ﻛﺒﻴﺮﺓ ﻛﺪﺍ ﻳﻌﻨﻲ ؟؟ ﻳﺎﺟﻤﺎﻋﺔ ﺍﻧﺎ ﺣﺎﺳﻲ ﺑﺎﻧﻲ ﺣﻤﻮﺕ ﻟﻮ ﻣﺎﺷﻔﺖ ﺷﺎﺷﻮﻗﺔ .. ﻭﺩﻭﻧﻲ ﻟﻴﻬﺎ ﻫﺴﻲ .. ﻭﻧﻜﻤﻞ ﻛﻼﻣﻨﺎ ﺑﻌﺪﻳﻦ .. ﻭﻫﺴﻲ ﺟﻴﺒﻮ ﻟﻲ ﺑﺘﻲ ..
ﻗﺎﻝ ﻟﻴﻬﻢ ﺍﻭﻝ ﺷﻲ .. ﺍﻧﺎ ﻋﻨﺪﻱ ﺍﻣﻼﻙ ﻭﻭﺭﺛﺔ ﻣﻦ ﺍﺑﻮﻱ .. ﻭﻛﻠﺖ ﻋﻠﻴﻬﺎ ﻋﺒﺪ ﺍﻟﺤﻲ ..
ﻭﺍﻧﺎ ﻣﺎ ﻃﻠﻘﺖ ﺷﺎﺷﻮﻗﺔ .. ﺷﺎﺷﻮﻗﺔ ﻣﺮﺍﺗﻲ .. ﻭﻫﻲ ﺍﻣﻠﻲ ﺍﻟﻮﺣﻴﺪ ﻓﻲ ﺍﻟﺮﺟﻮﻉ ﺣﻲ ﻟﻠﺪﻧﻴﺎ .. ﻭﻟﻮ ﻓﻌﻼ ﺷﺎﺷﻮﻗﺎ ﺟﺎﺑﺖ ﺑﺖ ﻓﺎﻟﺒﺖ ﺑﺘﻲ .. ﺷﺎﺷﻮﻗﺔ ﻣﺴﺘﺤﻴﻞ ﺗﺨﻮﻧﻲ . ﻭﻓﻌﻼ ﺍﻧﺎ ﺩﺧﻠﺖ ﺑﻲ ﺷﺎﺷﻮﻗﺔ .. ﻭﻛﻞ ﺍﻟﺤﻜﺎﻳﺔ ﺍﻟﺤﻜﺘﻬﺎ ﻓﻲ ﺍﻟﻠﻴﻠﺔ ﺍﻻﺧﻴﺮﺓ ﺻﺤﻴﺤﺔ .. ﻭﻋﺒﺪ ﺍﻟﺤﻲ ﻋﺎﺭﻑ ﺍﻟﺘﻔﺎﺻﻴﻞ ﺩﻱ ﻛﻠﻬﺎ .. ﻭﻫﻮ ﻧﻔﺴﻮ ﺍﻟﻮﺻﻠﻨﻲ ﻋﻠﻲ ﺑﻴﺖ ﻧﺎﺱ ﺷﺎﺷﻮﻗﺔ ﺑﺎﻟﻠﻴﻞ .. ﻣﺎﻛﻨﺖ ﺑﺘﻮﻗﻊ ﺍﻧﻮ ﻣﻤﻜﻦ ﺍﺧﻮﻱ ﻳﻌﻤﻞ ﻓﻴﻨﻲ ﻛﺪﺍ ..
ﺍﻧﺎ ﻋﺎﻓﻲ ﻟﻴﻬﻮ ﺩﻧﻴﺎ ﻭﺍﺧﺮﺓ .. ﺍﻧﺎﻋﺎﻓﻲ ﻟﻴﻬﻮ .. ﻳﺎﺭﺑﻲ ﻻﺗﻌﺎﻗﺒﻮ ﺑﻲ ﺳﺒﺒﻲ ..
ﺍﻟﺪﻛﺘﻮﺭ ﻗﺎﻝ ﻟﻴﻬﻮ ﺍﻧﺖ ﻫﺴﻲ ﻣﺎﻣﻤﻜﻦ ﺗﻄﻠﻊ .. ﺍﻻ ﺑﻜﺮﺓ ﻧﺸﻮﻑ ﻭﺿﻌﻚ ﻣﺎﺷﻲ ﻛﻴﻒ .. ﺍﻟﺤﻤﺪ ﻟﻠﻪ ﺍﻟﻌﻤﻠﻴﺔ ﻃﻠﻌﺖ ﺑﺴﻴﻄﺔ .. ﻣﺎ ﺯﻱ ﻣﺎﻗﺎﻟﻮ ﻧﺎﺱ ﺍﻟﻤﺴﺘﺸﻔﻰ ﺍﻟﺠﻴﺘﻮ ﻣﻨﻮ ..
ﻓﺨﺮﻱ ﺭﻛﺐ ﺍﻟﻌﺼﺮﻳﺔ . ﻭﻣﺸﻰ ﻛﻠﻢ ﺷﺎﺷﻮﻗﺔ ﻭﺍﻣﻬﺎ . ﺑﻜﻞ ﺍﻟﺤﺎﺻﻞ ﻋﻠﻰ ﻋﺒﺪ ﺍﻟﺮﺣﻤﻦ . ﻭﺍﻧﻮ ﺟﺎﻱ ﺑﻜﺮﺓ ﻋﺒﺪ ﺍﻟﺮﺣﻤﻦ .. ﺍﻣﻬﺎ ﻗﺎﻟﺖ ﻟﻴﻬﻮ . ﻃﻴﺐ ﺍﻟﻤﺮﺍﺓ ﺩﻱ ﻓﻲ ﺭﺍﺟﻞ ﻋﻘﺪ ﻋﻠﻴﻬﺎ ﺑﻌﺪ ﻋﺒﺪ ﺍﻟﺮﺣﻤﻦ .. ﺩﻩ ﻧﻈﺎﻣﻮ ﺷﻨﻮ؟
ﻓﺨﺮﻱ ﻗﺎﻝ ﻟﻴﻬﺎ ﺍﻭﻝ ﺣﺎﺟﺔ ( ﺣﻤﺪ ) ﺑﺘﺎﻋﻜﻢ ﺩﻩ ﻣﺎﺭﺍﺟﻞ ﻭﻻﻣﺤﺴﻮﺏ ﻓﻲ ﺍﻟﺮﺟﺎﻝ .. ﻧﻤﺮﺓ ﺍﺗﻨﻴﻦ ﻋﻘﺪﻭ ﺑﺎﻃﻞ .. ﻻﻧﻮ ﺍﻟﻤﺮﺍﺓ ﻓﻲ ﻋﺼﻤﺔ ﺭﺟﻞ ﻭﻣﺎﻃﻠﻘﻬﺎ .. ﻫﻬﻬﻬﻬﻬﻪ ﺷﻮﻑ ﻓﺨﺮﻱ ﺑﻘﻰ ﻳﻔﺘﻲ ﻛﻤﺎﻥ ( ﻭﻛﻼﻣﻪ ﺻﺤﻴﺢ ) ..
ﺍﻟﻤﻬﻢ ﺣﺠﺔ ﺍﻟﺴﺮﻑ ﺍﻡ ﺷﺎﺷﻮﻗﺔ ﺑﻘﺖ ﺗﺒﻜﻲ .. ﻭﺗﻄﻠﺐ ﻓﻲ ﺍﻟﻌﻔﻮ ﻣﻦ ﺑﺘﻬﺎ ..
ﻭﻗﺎﻟﺖ ﻟﻴﻬﺎ ﻗﻮﻣﻲ ﺍﻟﻨﻐﻴﺮ ﻟﻴﻚ ﺷﻜﻠﻚ ﺩﻩ .. ﺭﺍﺟﻠﻚ ﺟﺎﻱ ﺑﺎﻛﺮ ..
ﻭﻓﻌﻼ ﺑﻜﺮﺓ ﺍﻟﺴﺎﻋﺔ ﻭﺍﺣﺪﺓ ﻇﻬﺮﺍ .. ﺧﺮﺟﻮﻫﻮ ﻣﻦ ﺍﻟﻤﺴﺘﺸﻔﻰ .. ﻭﻏﺸﻮ ﺣﻠﻘﻮ ﻟﻴﻬﻮ ﻭﺍﻫﺘﻤﻮ ﺑﻴﻬﻮ ﻭﻟﺒﺴﻮﻫﻮ ﺟﺪﻳﺪ ﻻﻋﻨﺪ ﺍﻟﺸﺒﺸﺐ ﺍﻻﺑﻴﺾ .. ﻭﺻﻞ ﻋﺒﺪ ﺍﻟﺮﺣﻤﻦ ﺍﻟﺒﻴﺖ ﻭﺷﺎﻑ ﺷﺎﺷﻮﻗﺎ .. ﻭﺷﺎﺷﻮﻗﺔ ﺷﺎﻓﺘﻮ . ﻭﺗﻌﺎﻝ ﺷﻮﻑ ﺍﻟﻤﺸﺎﻫﺪ .. ﺑﻜﺎﺍﺍﺍﺍﺍﺍﺍﺍﺍﺍﺍ ﻭﺍﺣﻀﺎﺍﺍﺍﺍﺍﺍﺍﻥ .. ﻭﺩﻣﻮﻭﻭﻭﻭﻭﻭﻉ ﻓﺮﺣﺔ ﻻﻳﻌﻠﻤﻬﺎ ﺍﻻ ﺍﻟﻠﻪ .. ﻭﻓﺨﺮﻱ ﻭﺍﻗﻒ ﺑﻌﻴﺪ ﻣﺮﺑﻊ ﻳﺪﻳﻬﻮ ﻭﻳﻌﺎﻳﻦ ﻭﺩﻣﻮﻋﻮ ﺩﻱ ﺗﺸﻴﻞ ﻭﻳﻘﺸﻬﺎ ..
ﻗﺎﻝ ﻟﻴﻬﻢ ﺑﺘﻜﻢ ﻓﻲ ﺍﻧﺘﻈﺎﺭﻛﻢ .. ﻭﺍﻧﺎ ﺑﺠﻲ ﺑﺴﻮﻗﻜﻢ ﻟﻴﻬﺎ ﻳﻮﻡ ﺍﻟﺠﻤﻌﺔ ..
ﺍﻟﻴﻮﻡ ﺩﻩ ﻛﺎﻥ ﻳﻮﻡ ﺍﺭﺑﻌﺎﺀ .. ﻭﻓﺨﺮﻱ ﻣﺸﻰ ﻟﺨﺎﻟﺘﻮ ﻭﺍﻣﻮ . ﺍﻭﻝ ﺣﺎﺟﺔ ﻭﻭﺭﺍﻫﻢ ﺑﺎﻻﻧﺠﺎﺯ ﺍﻟﻌﺠﻴﺐ ﺍﻟﺮﺑﻨﺎ ﻭﻓﻘﻮ ﺑﻴﻬﻮ .. ﻭﺍﻟﻤﺮﺍﺗﻴﻦ ﺍﻻﺗﻨﻴﻦ ﻣﻦ ﺍﻟﻔﺮﺡ ﻗﻌﺪﻥ ﻳﺰﻏﺮﺩﻥ ..
ﻭﺍﻟﻤﺴﺎﺀ ﻣﺸﻰ ﻟﻨﺎﺱ ﻛﻮﺛﺮ .. ﻭﻣﺎﻗﺎﺩﺭ ﻳﺘﻜﻠﻢ ﻣﻦ ﺍﻟﻔﺮﺣﺔ ..
ﻭﻗﺎﻝ ﻟﻴﻬﻢ ﻛﻮﻭﻭﻭﺛﺮ ﻧﻮﻭﻭﻭﻭﻭﻭﻭﻭﻭﻭﻭﺭ ﺗﻌﺎﺍﺍﺍﺍﺍﺍﺍﺍﺍﻟﻮ ﺍﻟﻠﻴﻠﺔ ﻳﻮﻡ ﺍﻟﺒﺸﺎﺭﺓ ..
ﺣﺎﺻﻞ ﺣﺎﺻﻞ ﺣﺎﺻﻞ .. ﻭﻳﻮﻡ ﺍﻟﺠﻤﻌﺔ ﻳﺎﻧﻮﺭ ﺣﺘﺸﻮﻓﻲ ﺍﻣﻚ ﻭﺍﺑﻮﻙ .. ﻳﻮﻡ ﺍﻟﺠﻤﻌﺔ ﺣﻴﺠﻮﻙ ﻫﻨﺎ ﺍﻻﺗﻨﻴﻦ .. ﻳﻮﻡ ﺍﻟﺠﻤﻌﺔ .. ﻳﺎﻧﻮﺭ ﺣﺘﺤﺴﻲ ﺑﻲ ﺣﻴﺎﺓ ﻣﺨﺘﻠﻔﺔ .. ﻧﻮﺭ ﺟﺎﺕ ﺟﺎﺭﻳﺔ ﻋﻠﻰ ﻓﺨﺮﻱ ﻋﺸﺎﻥ ﺗﺴﻠﻢ ﻋﻠﻴﻬﻮ ﺑﺎﻻﺣﻀﺎﻥ
ﻓﺮﻣﻠﺖ ﻓﻲ ﺍﺧﺮ ﻟﺤﻈﺔ ﺍﺗﺬﻛﺮﺕ ﺍﻧﻬﺎ ﻣﻠﺘﺰﻣﺔ ﻭﻣﻨﺘﻘﺒﺔ ..
ﻗﺎﻟﺖ ﻟﻴﻬﻮ ﺍﻧﺖ ﺣﺒﻴﺒﻲ ﺑﺮﺍﻱ .. ﺍﻧﺎ ﻣﺎﺑﻘﺪﺭ ﺍﻛﺎﻓﻴﻚ ﻳﻜﺎﻓﻴﻚ ﺭﺏ ﺍﻟﻌﺎﻟﻤﻴﻦ .. ﻟﻜﻦ ﺑﻮﻋﺪﻙ ﺍﻧﻲ ﺍﺳﻌﺪﻙ ﻭﻟﻮ ﺍﺣﺘﺠﺖ ﻟﺮﻭﺣﻲ ﺗﻬﻮﻥ ﻓﻲ ﺳﺒﻴﻞ ﺳﻌﺎﺩﻙ ﻳﺎﻫﻨﺎﻱ ..
ﻭﻣﺤﻤﺪ ﻭﻛﻮﺛﺮ ﺩﻳﻞ ﻣﻦ ﺍﻟﻔﺮﺣﺔ ﻣﺎﻗﺎﺩﺭﻳﻦ ﻳﺼﺪﻗﻮ ..
ﻭﻣﺤﻤﺪ ﻗﺎﻝ ﻟﻴﻬﻮ ﺍﻧﺎ ﻳﺎﻓﺨﺮﻱ ﺣﺎﻋﻤﻞ ﻋﺰﻭﻣﺔ ﻛﺒﻴﺮﺓ ﻟﻌﺒﺪ ﺍﻟﺮﺣﻤﻦ ﻭﻣﺮﺍﺗﻮ .. ﺣﺎﻣﺸﻲ ﺍﻛﻠﻢ ﻧﺎﺱ ﺑﻴﺘﻨﺎ . ﻭﻧﺪﻋﻲ ﺍﺳﺮﺓ ﻛﻮﺛﺮ ﻭﻛﻞ ﺍﻗﺎﺭﺑﻨﺎ .. ﻭﻣﺎﺑﻨﺴﻰ ﺍﺳﺮﺓ ﺍﺳﺘﺎﺫ ﻋﺎﺩﻝ ﻭﺍﺧﺘﻮ ﻫﺪﻳﻞ .. ﻭﺻﺎﺣﺒﺎﺕ ﻧﻮﺭ ﺍﻟﻄﺎﻟﺒﺎﺕ .. ﻋﺸﺎﻥ ﻳﻌﺮﻓﻮ ﻣﺎﻛﻞ ﺯﻭﻝ ﺍﻫﻠﻮ ﻣﺎﻣﻌﺮﻭﻓﻴﻦ ﻣﻌﻨﺎﻫﺎ ﻣﻮﻟﻮﺩ ﻏﻴﺮ ﺷﺮﻋﻲ ..
ﺗﺘﺬﻛﺮﻱ ﻳﺎﻧﻮﺭ؟ .. ﺍﻧﺎ ﺍﻭﻝ ﻳﻮﻡ ﻛﻠﻤﺘﻚ .. ﻗﻠﺖ ﻟﻴﻚ ﺍﻧﺘﻲ ﻟﻘﻴﻄﺔ ﻭﻣﻮﺳﻰ ﻋﻠﻴﻪ ﺍﻟﺴﻼﻡ ﺍﺳﻤﻪ ﺍﻟﻨﺒﻲ ﺍﻟﻠﻘﻴﻂ .. ﺍﻧﺘﻲ ﺯﻱ ﻣﻮﺳﻰ .. ﺗﺘﺬﻛﺮﻱ؟؟
ﻗﺎﻟﺖ ﻟﻴﻬﻮ ﻓﻌﻼ ﻳﺎ . ﺑﺎﺑﺎ .. ﻭﻓﻲ ﻛﺘﻴﺮﻳﻦ ﻣﻦ ﺍﺧﻮﺍﻧﻲ ﻭﺍﺧﻮﺍﺗﻲ ﺍﻟﻔﻲ ?
ليست هناك تعليقات:
إرسال تعليق